[النمر1012]

البارحه جتني بموضتها على ختـم الحصـاد
لاهي ذهب خالص ولامخلوط من سبك الحديد


السالفه ماغيرها جتني تبـي فـك الضمـاد
مهما اتجاهلها اجدهـا فـي معاندتـي تزيـد


متجانسه في طبعها بيـن المطيـه والشـداد
يلحق عليّه وقعها من الوريـد ليـا الوريـد


ياحيلـة الله ماعرفـت السـر لكـن الوكـاد
ان الحوادث كونت لي من مواجعهـا رصيـد


حسبتها من كل جانب ليـن ماجـف المـداد
واخذت لي منها تجارب جَمَلَت بيت القصيـد


لقيتهـا متمكنـه يصعـب عليهـا الانقيـاد
في خافقي جرحٍِ جديد وعند غيري يوم عيـد


تبرق مثل برق السحاب بليل داجيـه السـواد
ترسل صواعق كهربائيه على الجسم العتيـد


ترمي شرر تِلحق ضرر تقدح مثل قدح الزناد
تقسي علي ... تخضع لها نفسي ومغزاها بعيد


وارجع واراجع كل موقف مايبلغنـي رشـاد
واحط له علامة استفهـام ؟ واكـرر واعيـد


يمكن لسر السالفه اوصل بعد طـول اجتهـاد
واحلـل الموقـف بعقلانيـه ورايٍ رشـيـد


واخلي السيف الحدب مصيون في وسط الغماد
لامن علم لامن درى والحر ماينقـص يزيـد

ماراق اللي من قصيد

الموضوع الأصلي: السالفه ماغيرها جتني تبـي فـك الضمـاد مهما اتجاهلها اجدهـا فـي معاندتـي تزيـد | | الكاتب: النمر1012 | | المصدر: شبكة بني عبس

[سيوف بني عبس]

صح لسان شاعرهاا
وتسلم يمنك ع نقل

[النمر1012]

صح بدنكم والله يسلمكم وعافيكم ومشكوره على المرور

[دانه]

صح السان شاعرها

ويعطيك العافيه اخوي نمور علي الاختيار

[النمر1012]

صح بدنكم والله يسلمكم وعافيكم ومشكور ه على المرور اختى دانه