[سيوف بني عبس]

مساءكم وصباحكم روح القصيد.


الله امر بالوصل من بين الاقراب
وحنا بوقت زايد ٍ بالقطيعه

وأنا من الي شف بالحيل منصاب
وضاقت علي الأرض لو هي وسيعه

يابوي أنا من صدتك عارضي شاب
وحطيت في كبدي جروح ٍ شنيعه

ماغير أهوجس مثل منهـار الأعصاب
وأنا اشهد أن صدتك عني وجيعه

ولا لقيت لها تفاسير وأسباب
ومعاتبتك محرمه في الشريعه

شفت المهونه من شباب ٍ وشياب
وأنا عن الحقران نفسي رفيعه

لاني بسربوت ٍ ولاني بـكـذاب
ولالي مع الأنـذال شـريـه وبيـعـه

يابوي أفك الباب وتسكر الباب
وخصيتني يابوي في ذا الطبيـعـه

حتى أصغر الأخـوان كشـر لي الناب
ماكني الأ بايق ٍ لي وديـعــه

ولحد ٍ خذا لي شور في كل الأنساب
يالله دخيلك من حياة الهزيعــه

ويوم النزايل يايـبــه صرتوا أحزاب
أحد ٍ نصـى الهيظـل وأحد بالـبـديـعـه

ترى المعونه جات من رب الأرباب
لحد ٍ يحسب اني برجوا صـنـيـعــه

لكن أبي جمع القرايب والأحباب
قدام كل ٍ يغـلق الـمـوت ريـعــه

صاروا أخواني عند ورعاني أغراب
شي ٍ يولع في ضميـري وليـعــه

واذا سألوني يـغرق الدمــع الأهـداب
يالله عسى من لامني للفـجيـعـه

يونس على كبده مثل عضت الـداب
وأرحم عياله لاومر مايطـيــعــه

يابوي طيرك له جنـاح ٍ ومـخـلاب
يحط في ربــد الحـبــاري فـنـيــعــه

ماهو بحق أنـك تحـطــه بسـرداب
وتـحـمـلـه من فـــوق مـايسـتـطـيــعــه

حـطـه على يـمـنــاك وتشـوف الأعـجـاب
وافخر بطلعاته مع أهـل الـطـلـيــعــه


مع تحيااات قروب شطحات

الموضوع الأصلي: يابوي أنا من صدتك عارضي شاب | | الكاتب: سيوف بني عبس | | المصدر: شبكة بني عبس

[سحايب]

الله الله قصيده مؤثره
صح الله لســان شاعرها
وسلمت يمناك على النقل

[سيوف بني عبس]

صح بدنج اسعدني مرورج

[المشعل]

قصيده حزينه ومؤثره

لاهنتي على اختيارك الراائع

[(الفارس)]

صاروا أخواني عند ورعاني أغراب
شي ٍ يولع في ضميـري وليـعــه

واذا سألوني يـغرق الدمــع الأهـداب
يالله عسى من لامني للفـجيـعـه

من جد حزينه ومؤثره ويكفي البيت هذا
لاهنتي سيوف بني عبس على الانتقاء الاكثر من راااااااااائع

[سيوف بني عبس]

اقتباس من مشاركة المشعل قصيده حزينه ومؤثره لاهنتي على اختيارك الراائع

اسعدني مرورك اخي الكريم

[سيوف بني عبس]

اقتباس من مشاركة (الفارس) صاروا أخواني عند ورعاني أغراب شي ٍ يولع في ضميـري وليـعــه واذا سألوني يـغرق الدمــع الأهـداب يالله عسى من لامني للفـجيـعـه من جد حزينه ومؤثره ويكفي البيت هذا لاهنتي سيوف بني عبس على الانتقاء الاكثر من راااااااااائع

اسعدني مرورك اخي الكريم

[امبرطورة بني رشيد]

عوااافي على القصيدة التي تحتوي بين طياتهااا الف معنى ومغزى

ولاهنتي ولاهان غاليك