[زعيم الشواعير]

تشرفت بهالطاروق مع الشاعر الكبير قسورة الغاب وحبيت انقله لكم عسى ان يعجبكم ولاتحرموني من ملاحظاتكم

زعيم الشواعير

سلام ردية وفا تمحي لها عشرة ذنوب = لولا ذنوب الوقت ماوالله تسير اقدامها

يالقسوره لاضاق صدرك مايضيقن الدروب = دام الدروب وساع والدنيا تسير ايامها

قسورة الغاب

يامرحبا ترحيبةٍ يسووقها طرق الهبووب = تخيل بارقها وتسمع بالمزوون ارزامها

ماكل شاعر يابيض الشارب مع الناس محسووب = وانته حسابك ماتضيعه العرب بارقامها

زعيم الشواعير

الاجر ثابت للتقي والذنب ثابت للكذوب = ياصاحبي ماتنفعك بعض البشر بانعامها

لو العرب مثلك محد سالم من كبار العيوب = لكن عقال العرب منته سواة افهامها

قسورة الغاب

حنا بلشنا ياجماعة خير بكبار الجنووب = مدري نحزم رووسها ولا نشد حزامها

يمكن لجل عينك عن اهل الصف والشيله نتووب = والا نطوفها علي شانك ونرفع جامها

زعيم الشواعير

ياعل عين ن ماتشوف الخير في عرض النصوب = يصبح عليها الصبح وتودع جميع احلامها

ماهي غريبه سكره والسكره لازم تذوب = والاالنشامى ترجع الاقسام فوق اقسامها

قسورة الغاب

تراك عندي يازعيم الخير غالي ومحبووب = لا تصير مثل الرفله الي نثّرت يدامها

انت امتسلح لك عصا وتهووش والراس معصووب = وانا ماشفت مسبب الفلقه ولا ضمامها

زعيم الشواعير

ماجاك غير الخير واشوفك عن الخير محجوب = وانا ذلولي ساعة الماقف مافك خطامها

شمس الحقيقه في جبينك لاتوردها الغروب = حسبي على راسك نسى للمعركه واعلامها

قسورة الغاب

اثرك يالقاطع تخض الما ء تحسب انه يرووب = وشلوون ماتمسك مع العالم نهار صيامها

حنا بيارقنا ركزناها علي سوود القلووب = يوومٍ بعض الناس ماتقدر تشيل عظامها

الموضوع الأصلي: زعيم الشواعير وقسورة الغاب | | الكاتب: زعيم الشواعير | | المصدر: شبكة بني عبس

[المكلماني]

الله الله
منت بسيط يا زعيم الشواعير
صح السانك والسان الشاعر الكبير قسوره الغاب

[عاشق الطير]

شعاااار كباااااااار

صحت السنتكم جميع

[^ـ^]

التمكن واضح في ابيات الشعراء ،، صح السنتكم ،،

^ـ^

[قسورة الغاب]

صح اللسانك يازعيم الشواعير

وشكرا علي التنسيق

لاهنت

[المشعل]

طاروق رااائع
ابدعتوو والله يعطيكم العافيه ..

[شاعر الحجاز]

يامرحبا ترحيبةٍ يسووقها طرق الهبووب = تخيل بارقها وتسمع بالمزوون ارزامها

انت متسلح لك عصا وتهوش والراس معصوب = وانا ماشفت مسببب الفلقه ولاضمامها

الله يرفع قدر صاحب هالبيتين وقدر زميله بيتين ماجن من فراغ لكن سوال لصاحب البيتين هل هو من اهل الحجاز لان ابيات شعار الحجاز تشابه لحد كبير لهالابيات خصوصا البيت الثاني

[محامي الاعضاء]

هههههههههههههههههههههههههههههههههههههههههههههههههه هههههههههههههههههههههههههههههههههههههههههه