[بشير الزبني]

أعضاء الشبكة ,, إليكم هذه المشاركة المتواضعة , آملا ان تحوز على رضا الجميع منكم ,,

العمر فرصه والحظيظ اللي على عقلٍ بصير = يأخذ من الماضي على الواقع له دروس وعبر !
والمهره اللي كل مالديت فـ عروقي تسير = وتحط برياض الحشا وأذكر محبتها وأمر
تعلمت في الغلا من أوله حتى الآخير = تحكمت بالسمع والأحساس وأحكمت البصر
بينت قيمتها معي مثل الإدارة فالمدير = شربت منها العشق وأشواقي بحر وهي بحر
لعيونها الثنتين ترقابي عسيرٍ في عسير = قمت أتلذذ في خطرها من خطر ليا خطر
وصالها لمحة بصر وأقفايها شرٍ شرير = والها الغلا والشوق والتحنان والقلب المقر !!
وأن أقبلت فزيت لوني على كرسي الوزير = رموشها رمح الطعون وعينها موتٍ حمر
تميل فغصون المحبه والهواوي يستخير = وتضيق نفسه من خلو ايديه وأيامه قشر
قولوا لمصانع الاقمشه لا يصنعون إلا الحرير = لانها تليق بجودته واللون ياحمر..ياخضر
أعيش حالات الغلا معها على قلب ٍ ضرير = طلت على مثل القمر وأمست معي ليلة عمر
وإن ركبت سحب المشاعر فوق معلوقي عصير = ثم أنتبهت ولا بدالي منّها حس وخبر
كن المشايخ يحكموني فالمؤبد والمصير = مجهوووول وآنا للفرج عيني تلفت وأنتظر
دارت بي الايام وأشتدت عليه يامجير = ياكافل الأيتام وأرزاق البهايم والبشر ؟
عوضني اللي فات من وقتي قبل دمعي يحير = وأسوق رجلي للضياع وللمهالك والجمر
عزيز قومٍ حدته دنياه للدرب العسير = على وصال اللي غلاها من بحر وهي بحر !!

الموضوع الأصلي: كرسي الوزير | | الكاتب: بشير الزبني | | المصدر: شبكة بني عبس

[فهيد ابن عليط]

الأخ بشير...

قصيده جميله وفالك التوفيق...

[القاضي1]

صح السانك وعتلا شانك
وفالك التوفيق...

[أبو فايز العويمري]

وصالـهـا لمـحـة بـصـر وأقفايـهـا شـــرٍ شـريــر
والها الغلا والشوق والتحنان والقلـب المقـر
صح السانك وقصيده رائعه الله يعطيك العافيه

[ابو عبدالعزيز]

سلمت وغنمت وصح لسانك

[بنت العبسي]

:p

صح لسانك وسلم الله يدينك ياارب

[بشير الزبني]

اقتباس من مشاركة بنت العبسي :p صح لسانك وسلم الله يدينك ياارب

شكرا على مرورك .... لاعدمتك

[بشير الزبني]

اقتباس من مشاركة أبو فايز العويمري وصالـهـا لمـحـة بـصـر وأقفايـهـا شـــرٍ شـريــر والها الغلا والشوق والتحنان والقلـب المقـر صح السانك وقصيده رائعه الله يعطيك العافيه

شكرا على المرور , وبيض الله وجهك