[قسورة الغاب]

كل عام وانتم بخير وتقبل الله منا ومنكم صالح الاعمال
انه رب كل شئ وخالقه ومليكه وقادرٌ عليه
واعاد الله علينا وعليكم العيد والنهار
السعيد الي امداً بعيد واليكم
مشاركتي ببرنامج
شاعرالمليون
وطــبــعا
ترجوني
ارووح معهم لـ 48 بس انا رفضت :( هههههه:( اليكم لمشاركه عيديه لشبكة عبس حصريه اتمنا تعجبكم

ياشاعر المليوون وش بك عليه = ماتدري اني في محبتك مفتوون
حبك ملك سور الظلوع الحنيه = واصبحت فيّ احساس واللسان وعيوون
هذا مقرك والغلا لك هنيه = لكنّ من بيني وبينك يحلوون
العام جيتك ماترفقت فيّه = والناس قاموا عن قصيدي يقولوون
لجنتك جازتني بفسن رضيه = وسجلت عنواني ورقم التلفوون ..
اثرك ناوي لي ثمانين نيه = وشلون تحرمني من الشوق وشلوون ؟؟
ليتك تحريت العلوم الخفيه = وابديت لك ما كان بالقلب مكنوون
علي لحون انغامي الشاعريه = ماغنت الورقا علي غصن زيتوون
لشوق في قلبي عروقن نديه = وسقوا عناق الشوق له ظل وغصوون
تمايلت لقطافها في يديه = تمد لي عنقود واتمد عرجوون
كن العناق عصير بطوال فيّه = قبل مغيب الشمس بادي ومضموون
ضمة غلا تبري عن القلب كيه = رسمتها عجلان مدري علي الهوون
بحروف من سلك الحرير ابجديه = واسرار ماغنا صقر وابن لعبوون
شاعر وناري مع هل القاف حيه = وامن الليال السود ماني بمغبوون
لامن شعمت النار للسامريه = كني حطبت الها عفاريت وجنوون
وهاجها يجرح ذيابة طميه = اليا قدحت زنادها بأطّرف الجوون
نفسي علي دروب النشاما جريه = ولازال قلبي مع هل الطيب مرهوون
قلبن علي قطع الفجووج الخليه = يسوقني لو قالوا الظلع مسكوون
هذي مفاتيح القفول العصيه = وهذي علوم النابغه وابن خلدوون
اسوقها لك من فؤادي هديه = ياشاعر المليوون شاكر وممنوون

وسلامتكم لا تحرمووني ارائكم
ودمتم سالمين

الموضوع الأصلي: القسوره بشاعر المليووون | | الكاتب: قسورة الغاب | | المصدر: شبكة بني عبس

[العميل السري]

كل عام وانت بصحه وسلامه

صح اللسانك انت غير وطرحك غير
ياخي انا قلت ياناس لا تعبو حالكم
القسوره ماله نيه يروح برنامجكم
انتم عاديين بالنسبه له --
بس قالوا دازين عليك بعض محرري المطبوعات ومدراء المنتديات
وحكام الراليات ولا دري وش صار معهم
--- بس قلهم قالها العميل

كل المرووووووووووووور لك دربك الرياض _القصيم
هههههههههه ههههه ههه

[الغريبة]

...مو فاهمه شي ...>>
بس يعطيك العافيه وصح لساااانك.....

[رشيديه و أفتخر*]

صح لسانك
ربي يعطيك العافيه

[بركه الخياري]

صح لسانك

لاهنت يالجزل

[عادل بن هون]

قسوره يستاهل لكن هل يفعل كمايفعل القسوره؟

[(ابوعواض)]

صح لسـآنك يالقسوره

وعيدك مبارك وكل عام وانت بخير

كنت اتمني مشاركتك بآقوي القصآئد

عندك قصآئد احسن منها

والله يكتب اللي فيه خير

ويوفقك وينصرك ع القوم الضالمين ههههههههه

تحياتي يالصديق

[ذيبان الرشيدي]

لله درك
من عذب وجزل

قصيدة
تستحق ان نحتفي بها ونطرب
بتفردها وجمالها وتميزها

لله درك
يالقسوووره

تُختم .. وتُثبت

وكل
عام وأنت بخير وعافية

دمت
بخير وعافية