[الغريبة]

يا بنت أرجوك أنا مأقدر كفاني ماضـي الغلطـات



أخـاف الله يعذبنـي وأنــا خــواف يابنـيـه



واخـاف ابساعـه اللـذه يجينـا هـادم الـلـذات



ويأخذ من حشـى جوفـي بقايـا روحـي الحيـه



أنا ليّه ثمان اسنين وأنا مدمـن علـى الشهـوات



ديـار الفسـق حاستهـا مواطـي تحـت رجليـه



عيوني من كبـر همـي تخلـط الـدم والعبـرات



مِسيل الدمـع مـن عينـي حفـر بالخـد ماريـه



صحيح إنك جميله بس تبنا مـن هـوى الزينـات



تركنا الحـب غصـب وطـوع للعيـن الشقاويـه



يابنت أنتي على بالك أبأخذ مـن بنـات الشـات؟



أجل مجنـون أنـا يابنـت أشيـل العقـل بيديّـه؟



ترى أكبر شيء يربطني مِعك جوال أبو شاشـات



وهاتـف ينقـل أشواقـي علـى نبـرات سلكيـه



وترى كل العلوم اللـي عطيتـك بالهـوى كذبـات



وحتـى دمعتـي يـوم الفـراق الصعـب كذبيـه



هـذاك اليـوم ماهلـت عيونـي لجلـك الدمعـات



لأن الدمـع ماينثـر بقـصـه حــب وهمـيـه



أنا أضحك مِعك واضحك منك ..عليك أكثّر الضحكات



كأنـي بالهـوى جنـي.. يعـبـي راس جنـيـه



وأنا ماني بخكري يلبـس القمصـان.. والشرتـات



ويفـرح قلبـه المسكيـن إذا حــب الدوينّـيـه



أنا مـن لابـةٍ أروت ضمايـا سيوفهـا الغـزوات



خلايا جسمـنـا عـاشـت عـلـى دم القبيلـيـه



ودهنتي شعرك الأسود بألـوانٍ مـن الصبغـات



وعيـت تقبـل الصبغـه ملامـحـك الخليجـيـه



وحشرتي ردفك المسكيـن بالبنطـال ..والجنـزات



خلاقـيـنٍ تصنّعـهـا مـزاجـات اليـهـوديـه



عشاني ميـتٍ فـي ثغـرك الأحمـر أبـو لمعـات



تحسبينـي أبرضـخ لـك لأن إشفـاك ورديـه ؟



ورب الكون مأرضى فيك لو إنك شيخـة الحلـوات



وإذا صمـل علـيّ العلـم أكـب ارض السعوديـه



يابنت الناس عزك فـي سـوادٍ يستـر العـورات



وعزي في شماغ أحمر.. وثوب أبيـض.. وطاقيـه



سعودييـن نفخـر فـي عبـايـات السعـوديـات



نغـض الطـرف إجـلالً إذا شفـنـا السعـوديـه



وخليجييـن نفخـر فـي عبـايـات الخليجـيـات



نغـض الطـرف إجـلالً إذا شفـنـا الخليجـيـه

الموضوع الأصلي: قصـــيدة هــزت الخــلجييـــن .. | | الكاتب: الغريبة | | المصدر: شبكة بني عبس

[نايف ابن عليثه]

انآ آشهــد انهـ من رجآجيل يسوون الف رجآل..

وصح لسآنهـ .. على كل شطر بيت ..

وسلمت يمنآكـ ... الغريبــه .. على تميز نقلكـ ..

[الغريبة]

...مشكور يا نايف عالمروووووووووور ......وابداء رأيكـ بصرآحهـ

[سند الداموك]

ياااااااسلام عليه ولا افضض الله فاااااه رجال ذلك الزمن نعم الرجال
الغريبهـــــ متألقه داااااااااائمااااااااااااااا سلمتي على الذوق والنقل
تحيااااااااااااتي

[(ابوعواض)]

ونعم والله

صح الله لسآنه ولاهنتي ع النقل

[برق الوسم]

أنا ليّه ثمان اسنين وأنا مدمـن علـى الشهـوات ديـار الفسـق حاستهـا مواطـي تحـت رجليـه

!!!
(اذا بليتم فأستتروا)
لاهنتي يالغريبه ع النقل ....

[أسايرها تعاندني]

أنا مـن لابـةٍ أروت ضمايـا سيوفهـا الغـزوات
خلايا جسمـنـا عـاشـت عـلـى دم القبيلـيـه
<< هذا البيت الذي صدق به الشاعر
أما الأبيات الثانيه فهي تنطبق على نفس الشاعر وأمثاله
--- أشكرك الغريبه على طرحك الشعري
وذائقتك الشعريه الجميله

[النمر1012]

الله يعطيج العافيه روعه القصيده وتقبلي مروري