[مروان الرشيدي]

أعضاء ./ شعآر الشبكه الأعزاء




أسعد الله جميع أوقاتكم بالخير والمسرآت


ومنورين الموضوع



اليوم نزلت لكم هالموضوع وأمل من أخواننا الاعضاء والشعآر التفآعل


الموضوع بالمختصر الشديد هو ../ ان كل وآحد يضع بيت او بيتين او ثلاثه

ابيات مدح وفخر للقبيله لأني نآوي أسوي تصاميم عليهم


مثلآ زي هالبيت

.


اشهد شهادة حق ماقتها زور

......................... ان الرشيدي للرشيدي يحآمي


.



أو مثل ابيات مساعد

.


بني رشيد ان عتم الجو تعتيم

.................... ما للردى فينا موآري وليحه


.



أتمنى من الأخوان مسسآعدتي في جمع الابيات وطرحها هنآ


.


ولكم مني جزيل الشكر


.



أخوcom :- مروان الرشيدي

الموضوع الأصلي: شاركنا في جمع أكبر عدد لقصايد بني عبس | | الكاتب: مروان الرشيدي | | المصدر: شبكة بني عبس

[كاتب الرشيدي]

لاهنت يامروان

وجاري البحث

[ذرا عبس]

بيض الله وجهك اخوي مروان علا الموضوع

لِلَّهِ دَرُّ بَني عَبسٍ لَقَد نَسَلوا = مِنَ الأَكارِمِ ما قَد تَنسُلُ العَرَبُ

http://www.bani-3abs.net/aa/showthre...87#post2311787

[مروان الرشيدي]

.



نبي تفآعل يابني عبس

ومنورين ياللي دخلتوآ الموضوع

[ذرا عبس]

بنـي رشيـد موسميـن الكفـه

يشووووش راسي لاطرى طاريهااا

[ابوتركي 2009]

بيض الله وجهك

[بن هادي الرشيدي]

الف شكر لك أخي مروان على هذا الفكره الرائعه.


وهناك قصيده أفتخر فيها وهي لشاعر الفارس ثامر بن سعيده القلادي الرشيدي والذي هو من أعظم فرسان العرب رحمه الله تعالى واموات المسلمين حيث كانوا في غزوه على مطير مع قائد عبس وبطلها المغوار وعظيمها الجبار الذي لا يشق له غبار وهو صنيتان بن شميلان القلادي الرشيدي الملقب بلوفان والذي أفتخر أن يكون توقيعي يحمل قصيده فيه رحمه الله تعالى واموات المسلمين.

والفارس الشاعر ثامر بن سعيده القلادي الرشيدي كما هو معروف من اشهر واعظم فرسان الجزيرة العربية له صولات وجولات

وبطولات عديدة خاض العديد من المعارك الخالدة من اشهرها غزوة(( اشريفا)) مع قبيلة عنزه ومعركة ((الحسو)) مع قبيلة مطير .

قال هذه الأبيات بعد معركة الحسو المعروفة الكائنة مابين بني رشيد في قيادة الشيخ صنيتان بن

شميلان الجلادي ((الملقب لوفان))

وبين بني عبدالله من مطير بقيادة الشيخ جهز بن شرار

لاعدت يايوم/ن/ على تالـي الجيـش = بأيمن شعيب الحسو عنـد الثمايـل
لحقوا مع الوادي جموع بن درويش = وابن شرار وكـل سمـو القبايـل
جونا وجيناهم سـوات الدراويـش = وهوش النشامـا للنشامـا هوايـل
لحقوا على قب المهار المداغيـش = وبحضونهم يازين روس الأصايـل
لحقوا على تسعين نقوه من الجيـش = وقفوا على عشرين والـدم سايـل
يضدهم لوفان مـروي المعاطيـش = لوفـان لـواف العـداء بالفعايـل
لولا القفوش مع العيال النواحيـش = رحنـا ولاعنـا عريـب مسايـل
ربع/ن/ بشمطاء اللحاء يابرق الريـش = ونادن بعضكن ياالسبـاع الهزايـل
الياقضن قفوش عكـف النواتيـش = ردوا على حدب السيوف الصقايل
بريقهن مثـل البـروق المراهيـش = ويقطعـك ياهـرج/ن/ بليـا دلايــل
نثني خلاف اللي برجله عوابيـش = يوم الردي ضاقت عليـه المحايـل
لعيون من رمشه كما صفة الريش = رمشه جديـد ولابرمشـه سمايـل[/poem]




وبعد ان سمع الشيخ جهز بن شرار

قصيدة الفارس ثامر بن سعـيده


ارسـل لـه هــذا الـبـيـت هـديـه تـكـمـلـتـن لـقـصــيــدتــه فـيقـول لـيـتـه قــال






تريحو من عقبنا ياحواشيش = وتحلبواللي لهن من عدايل