[عيد بن عبيد]

الشاعر يوسف فليح الشطنان الداموك شاعر بزغ نجمه منذ فتره قصيرة شاعر استطاع كتابة الشعر بكل قوه كما لقب بصاحب معلقة القبائل
فعلا قصيدة تستحق الاطلاع لما تحمل بين طياتها من قوة الحبك والسبك ...
عند اطلاعي على هذه القصيدة المتميزه والذي تحاكي المشاعر وتلامس الاحاسيس الاجتماعية ... اسعدني ان انقلها لكم لتشارك
بهذه الدره قرائتها .

يا بليس مابيني وبينك علاقات=من عقب ماكانت علاقة وثيقة
ومن عقب ماكنا على عشر نيات=نصيحتي كلن يروح بطريقة
ومن عقب ماكثرت علينا الملفات=بكثر الذنوب وصار بالصدر ضيقة
دخلتنا يا بليس كل المتاهات=وفرقت مابين الرفيق ورفيقة
ونكبتني يا بليس مره ومرات=الشر دستورك وخيري تعيقة
وتقوللي يالذيب امورك خفيات= نصيحتي حاول وشفلك عشيقة
بدايتك يا بليس مثل النهايات=مخلوق من نار ومردك حريقة
وبليس حي وقالوا ابليس مامات=حي(ن) وعرشه فالبحور العميقة
يا بليس بهذلت العرب والسياسات=وموج البحر هايج وحنا غريقة
صرنا مابين معارضة واحتجاجات=وكلن على ماقيل شجع فريقة
ومن بعد ماكثرت علينا المحطات=وشفنا البلاوي فالبلاد الشقيقة
حسني مبارك بين حسرة ولوعات=ومحاكمن بالثانية والدقيقة
وعبدالله الصالح و جتله سلامات = وشعبه وقالوا ياعرب مانطيقة
ومعمر الليبي بكل القنوات= تسمع على النشرة زفيره شهيقة
وبشار مجرم حرب تصوير واثبات= شعبه يضام ولا جهل بالحقيقة
والتونسي نادم على كل مافات= اقلع وجانا واسكنوه الحديقة
ويوم القيامة ياعرب له علامات = والكلب ينبح والحمار ونهيقة
وياخوف تلحقني من الناس شرهات = وبليس حله عند رب الخليقة
ويا عزتي للي يدور مشورات = في هالزمن كلن ترى نشف ريقة
ولا همني لو صار نكبة وثورات = ولوشفت نو الشر زايد بريقة
ربعي من الحرة ليا ضلع ابانات =رجال عبس اهل السلوم العريقة
وحنا مع الدولة بكل المهمات = وحكامنا مثل الجبال الشهيقة
وردتها للعد من جزل الابيات = ساطي ولجهل بالحرار الطليقة

[youtube]

الموضوع الأصلي: يا بليس ما بيني وبينك علاقات ,,, للشاعر يوسف الشطنان | | الكاتب: عيد بن عبيد | | المصدر: شبكة بني عبس

[سحايب]

فعلا قصيده جميله تستحق منا
كل الإعجاب والتقدير...
صح الســــان الشاعر مليون ولايكفون
ويعطيك العاافيه على مانقلت..

[سند الداموك]

حقا نص باذخ الشعريه

\\

صح لسان شاعرها

\\

ولاهنت عيد

[ابن شايق]

صح السانك يابويعقوب شاعر جزل وقصيدة قوية وجزلة ومافيك حيلة يالذيب
من قصيدة القبايل الكارثيه الى قصيدة اجتماعية سياسية قوية جدا
والله يكثر من امثال الاعلامي عيد عبيد على نقل الجزالة وبيض الله وجهه

[سعد محمد]

صـح لسان الشاعر

أبيات جزلـه وقمه بالصور والمعاني الفريده.

لاهنت على الطرح .

[أنفاس الفجر]

صـح لسان شاعرها

لاهنت على الطرح .

[خالد بن تركي]

صـح لسان الشاعر يوسف الشطنان

أبيات جزلـه وقمه بالصور والمعاني الفريده.
تستحق الاعجاب

لاهنت على الطرح .

[عايد2001]

صح السان الشاعر يوسف
ولاهنت ياابو مشاعل