[سعد الرشيدي]

زعيم المراجل جاك يقدح طناخة رأس ؛
تناقض علومه تقل مكثر من الراحي
وعوده..لنا ما أخفيك ...حبرٍ على قرطاس؛
وأنا صرت بين أوعود الأصحاب سواحي
اعزّي على نفوسٍ طواها الرجاء والياس ؛
غشاها الظلام بليل مافيه مصباحي
على رسلك استلهم صبر يا مطر عباس؛
أثر مانت صاحي تحسبني بعد صاحي
ليا كفيت شر الناس مالك ومال الناس؛
لحصلت سلامة مالك ومال الارباحي
ليا دق ناقوس الخطر.. تسمع الأجراس؛
يطيح الوضيع وعالي الشأن ماطاحي
فداك الخوي اللي شعوره بدون احساس؛
تساقا علي خدينه ادموع تمساحي
أنا لو بغيت السّب جيت البسه نوماس؛
ودسيّت له وسط العسل سمّاً اذحاحي
شليويح علي

\\\\\\\\\\\\\\\\\\\\\\\\\\\\


علي عدك اللي كثرت ادوره العساس
لهالحين ماجيتك وانا شايل سلاحي
تعوذت في ربي من الشرك والخناس
ماخايل مزون الصيف لو برقها لاحي
لكن يارفيق الجنب لوكنت راع الباس
مايفرح بها المسكين ويزعل الصاحي
كبار المواقف من يجيها بدون انفاس
مراحه مراح مقيط..ورشاه به راحي
يازير المعارك مانت ناوي على جساس
لك اهداف يبقى الثار والدم سفاحي
لكن اللئيمه خلت الوضع بك ينحاس
من الحب كان لشر الاقدار مفتاحي
تحصن من الاذكار لاصابك الوسواس
وتعوذ من الشيطان ...وادع الفلاحي
وانا ليه اعرض خافي الصدر للنسناس
مادام القلوب لابعضها ماهي صحاحي
لكني فهيم وعارف اكراعها والراس
وترفعت من قوه وانا عزي وشاحي
مطر عباس

الموضوع الأصلي: صوت وصدى الشاعر شليويح علي والشاعر مطر عباس | | الكاتب: سعد الرشيدي | | المصدر: شبكة بني عبس