[سلطان العايضي]

اهدي لكم هذي المحاورة التي جرت بين الشاعرين

يقول :رشيد

يامرحبا مثل الذهب في سوق صراف = في حلة اللي يكرم اللافي ويغليه
شاعر شبابه قالوا الشعار صياف = وانا ازبن اللي يقتل الميت ويحيه

رد : صياف

دام البقاء باللي بد في راس مشراف = وان جاه طرقي يبي القهوة يقهويه
كل على ميقاف وانا لي ميقاف = وان ما عرفت الرجل باسمه لا تناديه

رشيد :

ليت الشبلبي يحتفي ما عاد ينشاف = مبلش عباد الله عسى ربي يكافيه
فوق اليتامي ليش تهدم قصر الأوقاف = واللي هدمته هدم ما يمديك تبنيه

صياف :

اترك شبابه فالحرم تسعى وتنطاف = مبروك كان اول كلامك مثل تاليه
انته تطالع للنخل والصيف ما صاف = ولياء استوى تمر النخل نعطيه نعطيه

رشيد :

اصل الصلاة اللي ورا صياف تنعاف = مبروك مهما قال ماني مقتدي فيه
نخله حذفها في طريقه كل حذاف = واللي يواعد بالفرج ما عاد يمديه

صياف :

دور لها محراف قبل يشيب القاف = ما يحفظ لسان البنادم غير واليه
انتم عرب فيكم وسط وسمان وضعاف = مير الضعيف لو يخطي ما نباريه

رشيد:

انته تحرفها لياء حصلت محراف = لا بارك الله فالجميل اللي تسويه
حنا عرب لياء رمينا نصيب الاهداف = واللي كشف راسه لا بد القوم ترميه

وسلامتكم يالصفوف

الموضوع الأصلي: محاوره بين رشيد العلوني وصياف الحربي رحمه الله | | الكاتب: سلطان العايضي | | المصدر: شبكة بني عبس

[سعد الفلاح]

مشكووووووووووووووووور أخوي سلطان العايضي وتسلم يمينك على نقل محاورة الشاعر صياف الحربي (رحمه الله) ولاهنت يلغالي

[سعد الشقل]

سلطان العايضي

بيض الله وجهك على نقل المحاورة الرائعه

ونتمنىى المزيد ;)

[رويبح رباح العويمري]

سلطان العايضي شكرالك وبيض الله وجهك

صياف صياففففففففففففففففففففففففففففففففففففففففففففففف فففففففففففففففففففففففففففففففففففففففف

[سلطان العايضي]

مشرفنا الغالي سعد الفلاح لا هنت على هذا المرور

[سلطان العايضي]

مشرفنا سعد الشقل مرورك شجعني

وابشر ياغالي بالمزيد من الحاورات

[سلطان العايضي]

ولد ابوه لا هنت ومشكور

لكن اطلب له بالمغفرة والجنه

[عيسى المويسه]

صـح السان الشعراء

رحم الله صياف الحربي




شكراا لك اخي الكريم على النقل المميز



لك تحيتي



..ِ