[محمد العبسي]

أنا في خاطري حاجه ولا ادري ويش ابي بالضبط = ولاني قـادر اكتمهـا ولانـي قـادر ابديهـا
متهاه داخل اعماقي بحـر حيـره بليـا شـط = خذاني موجها العاتـي عذابـي عـن موانيهـا
أبا اهرب من غموضي مير ماباليد حل وربـط = ضياعي كلٍ يشوفه حقيقه مـا اقـدر انفيهـا
أنا ما ادري مكاني فوق ولا تحـت ولا وسـط = أسوق الرجل واتبعهـا واقـول الله يسويهـا
أنا عايش بها لدنيـا بـلا قيـد وبليـا شـرط = مجـرد ظـل لايامـي تباريـنـي واباريـهـا
أنا ايامي سوا .. مافيه يوم اصعب ويوم ابسـط = ولا ادري كيف اميز بين حاضرهـا وماضيهـا
أنا مااشكي من احزاني ولاذقت السعاده قـط = ومع هذا أحس النـاس واضحكهـا وابكيهـا
أنا واحد من العالـم أنـا جملـه تحتهـا خـط = أحاسيسـي غريبـه مـن بدايتهـا لتاليـهـا
أنا في صفحة الدنيا حـروف ماعليهـا نقـط = حياتي مالقيـت اللـي يترجـم لـي معانيهـا

الزعيم مساعد الرشيدي

الموضوع الأصلي: في خاطري | | الكاتب: محمد العبسي | | المصدر: شبكة بني عبس

[العماري]

تسلم يمينك صح لسان المبدع دائما مساعد

أنا مااشكي من احزاني ولاذقت السعاده قـط
ومع هذا أحس النـاس واضحكهـا وابكيهـا

[بندر الذيابي]

صح الله لساااااان الزعيم


وسلمت يدك علي النقل الموفق



دمت بود



بندر الذيابي

[محمد العبسي]

العماري


بندر الذيابي


مشكووووورين على مروركم

[عبدالعزيز الخياري]

محمد العبسي بيض الله وجهك على اختيار هذه الدره الثمينه من

الزعيم مساعد ربيع الرشيدي

أنا في صفحة الدنيا حروف ماعليها نقط=حياتي مالقيت اللي يترجم لي معانيها

يكتب الشعر بحروف من ذهب فتبقى كنوزَا على مر الاجيال يحتفظ بها الشعر ليروي عطش متذوقيه

هو الشاعر الوحيد الذي أقرأ قصائده مره ومره ولا أمل من قصائد هذا الشاعر العظيم00000

الله يطول بعمر ابوفيصل والله يوفقه إلى كل مايحبه ويرضاه000

[محمد العبسي]

8
8
8
8

اللهم آمين


أبو فيصل من الناس اللي رفعوا أسم القبيلة في العصر الحديث

ومهما تكلمنا ما راح نوفيه حقه

على العموم الله يعطيك العافية ياعبدالعزيز

[الهنوف]

أنا في صفحة الدنيا حروف ماعليها نقط
حياتي مالقيت اللي يترجم لي معانيها

صح لسااانك ومشكووور على النقل الرائع للشاعر المبدع مساعد الرشيدي..

دمت بخير
أختك الهنوف

[محمد العبسي]

الهنوف


مشكووووووورة على مرورك