[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاورة بين الشاعر سرحان والشاعر ناصر خنيفر


سرحان

ياناصر البرق ناضي وانـا عيونـي تخيلـه=عساه يمطر على السيف من شان خلن سكنها
بيني وبينه فياضـي يمكـن يتيـه الدليلـه=لاكن ياحيف ياحيف البدو قفا ضعنها

ناصر خنيفر

االبرق بالمزن ياضي وسط المزون الثقيلـه=عساه يمطر على طريف ممشاه مايصد عنها
قاضي وواجهت قاضي لو المسافه طويله=نعرف جميع المحاريف بالوزن ويا لحنها

سرحان

الوقت ماهوب حاضي لاكن ويلـي وويلـه=ياشين فرقا المواليف كل السبب من زمنها
المد ماهوب فاضي الكل يعـرف حصيلـه=ياناس ياهل الوطن كيف راحت وخلت وطنها

ناصر خنيفر

واد الرمه ياستفاضي ماجا بدربه يشيلـه=ودنياك ماهي على الكيف الله يجيرك محنها
صارت طوالن عراضي يامحتمين الدبيلـه=والعيش يبغا تكاليف في مصر ولا عدنها

سرحان

طلوع ولا نخفاضي مالك بهاالـدرب حيلـه=يمكن تحول التصاريف وهل المدن في مدنها
لاتحسب الكل راضي يلـي تعـن الاصيلـه=ياعبس عودو مناكيف الروح تبغا بدنها

ناصر خنيفر

من السيف حتى الرياضي وكسلا يانعم القبيله=بالخيل والهجن والسيف بالفعل نرخي رسنها
نعرف سواد وبياضي ونسقي كبودن عليلـه=والعلم ياجابه خليف لاتاخذه من عفنها

سرحان

انهاك وتقول ماضي والكل يعرف عميلـه=بكره تجر التحاسيف والكل دارك قطنها
تارد على كل حاضي لو القوايـم هزيلـه=شاعر من اهل المعاريف لاكن نفسه رهنها

ناصر خنيفر

محرر جريدة عكاضي وش قال ويـا زميلـه=بمفرقين المواليف عساه يحضر كفنها
لاشفت رجل متغاضـي لاتتهمـه بالهزيلـه=يمكن بعيدن عن الحيف والناس تعرف مهنها

سرحان

الله هو الي يقاضي والسيل خالف مسيله=يامكرم الجار والضيف العز ماهوب منها
افتل وجيب انتقاضي وقول يمناً طويلـه=وثرك كثير التواصيف جرتك وقتك دفنها

ناصر خنيفر

الديـك ماقيـل بـاضـي بيـضـة ذكــر مستحيـلـه=ماذكر بيضه ولا شيف وعلومنا اليوم صنها
عسـاي فيـك استعاضـي بيـديـن مـاهـي بخيـلـه=واليوم صك المضاريف قدام تدفع ثمنها

الموضوع الأصلي: سرحان + ناصر خنيفر | | الكاتب: العالم الفلكي | | المصدر: شبكة بني عبس

[العقاد]

تسلم على التنسيق

صحت ألسنت الشعار

[العالم الفلكي]

اقتباس من مشاركة العقاد تسلم على التنسيق صحت ألسنت الشعار

الله يسلمك يابوجابر ومشكور على المرور والتعليق

[ناصر خنيفر]

تسلم على التنسيق وبيض الله وجهك على العمل الذي تقوم فيه

[المعزب]

لاهنت على التنسيق ياعالمنا الفلكي..

وصح الله السان الشعرا المبدعين على هذا الطاروق الجميل

[العالم الفلكي]

اقتباس من مشاركة ناصر خنيفر تسلم على التنسيق وبيض الله وجهك على العمل الذي تقوم فيه

الله يسلمك يابوتركي ومشكور على المرور والتعليق

[العالم الفلكي]

اقتباس من مشاركة المعزب لاهنت على التنسيق ياعالمنا الفلكي.. وصح الله السان الشعرا المبدعين على هذا الطاروق الجميل

الله لا يهينك ومشكور على المرور والتعليق

[سرحان]

مشكور على التنسيق ياالعالم الفلكي
بيض الله وجهك