[الاجهر]

ابيات أعجبني كثير هي :ـ
يارصيف الشمس ..يانهود البحر....يالله العقيله!
بعثريني مدري ويش .. الشيح وهروج ..... النخاله.
شمعدان الفجل واقواس الخراط..... المستحيله
وزقزقة بنفسج الكركم... وجنحان البقاله
واغنية فراشة المريخ وهروج الجديله
وقوقعت قمح الحنان وخبزة ارموش النذاله
زنـاد الشعر
1

يا زناد الشعـر والصـوان يـا رأس الفتيلـة=يا زعاطيـر القصيـد ألـي توردنـا الجهالـة
2 شاعـر واخطـى أليـا غنيـت وامثـل قبيلـة=واشـرب الفنجـال الأول زود وألـت البيالـه
3 مرحباً يا محمد ابن الذيب في ظهـر الاصيلـه =واتعذر من بشوت القـوم و اصحـاب الجلالـة
4 ما احشم رابح صقر و اتوق لأصحاب الفضيلـة=لين اباحوا لي عوض دوخي و عبدالله فضالـة
5 ما علي من وارد ال(( بي.ام)) لو طور موديله =واشعراء الصفحات والماكياج فأيـام البطالـة
6 الأدب يحشم وأنا صبـح الأدب وأطـراف ليلـه =وشاعر ماله أقامـه شعـر أضمـه بالكفالـة
7 و الجميحي باسمه المعروف معروفـن وكيلـه=و ابن جدلان الفحل فالشعر سـوّا لـه وكالـه
8 مأيقند راسـي ألا صـوت ضيـدان و زميلـه=لاتراكى الهاجري يحلا القصيـد أليـا ارتكالـه
9 والقريحة تعتـزي بالشعـر غايـة لا وسيلـه=والحداثة في زمان العولمـة صـارت عبالـه
10 يا رصيف الشمس يانهود البحـر يالله العقيلـة=بعثريني ..مدري ويش .. الشيح وهروج النخالة
11 شمعدان الفجل وأقـواس الخـراط المستحيلـة=وزقزقـة بنفسـج الكركـم وجنحـان البقالـه
12 و أغنية فراشـة المريـخ واهـروج الجديلـة=و قوقعة قمح الحنان وخبزة رمـوش النذالـة
13 زاوية تسعين فـاخـدود المرايـا المستطيلـة=والعناب و جـد خالـة بنـت عـم البرتقالـة
14 عالمن كنها السكارى ما دري ويش أتحكي لـه =لعن ابوكم ذي حداثة شعـر يالنـاس الحثالـة؟
15 لعنبو حي السفيه ألـي يمزمـز فـي سبيلـه =يحسب أن الشعر فعل يرفعـه لا جـاء مجالـه
16 الشعر منطق وأدب وأسلوب وألفـاظ ٍ أصيلـه =ويش خانت شاعر يقعد علـى الشعـار عالـه
17 اسرق من النوم للفكـرة أليـا جاتـه دخيلـة=فكرتي بشماغـي المعـروف لبسهـا عقالـه
18 ليه جعل أبيه من رأس الصراط إلـى المليلـه =ما أيـدور فكـرة حولـه علـى قـده وحالـه
19 داوي فكري واغني فـوق فـي رأس الطويلـة=و اتسيجج من جروح الجوف لو مانيـب دالـه
20 ونتي مما دهـى الأعمـاق وأودعهـا نثيلـه =وغربق الكبد المغره عمـد وأودعهـا انثالـه

مانع بن شلحاط العجمي
________________

الموضوع الأصلي: يارصيف الشمس | | الكاتب: الاجهر | | المصدر: شبكة بني عبس

[حنان الرشيدي]

بصــراحه هذي من أروع القصائد

إللي تتكلـــم عن حال الشعر بسبب

بعض الشعراء إللي صارت قصائدهم

مجرد كلام مقفا و موزون و معانيه

جوفاء خاليه من أي هدف ...

:


الأجــــهر :

أختـــــيار قمه ...

فشكــــراً لك على هذا النقل

و دمتَ كما تحب ..


كانت هنا ومضت ...أختك :


حنان الرشيدي

[رائد الذيابي]

الشعر منطق وأدب وأسلوب وألفاظ ٍ أصيلـه ..... ويش خانت شاعر يقعـد علـى الشعـار عالـه


نعم قصيده في قمة الرووعه


ماهو غريب عليك التميز يالاجهر


تقبل مروري وخالص دعواتي

[ابو محمد العريض]

مشكور اخوى الا جهر

على النقل

[هداج تيما]

مشكور اخوى الا جهر

على النقل