[فواز الدواي]

هذي قصيدة موجه لكل من لايحب الخير للأجواد ويزرع الفتن بينهم

ازالهم الله عن الأمه الأسلاميه

وكما قال الله تعالى في محكم كتابه العزيز ( الفتنه اشد من القتل )

يازارع الفتنه ) ياويلك من النار = نارٍ تلضى تحرقك في سناها
فرقت خلق الله بشينات الأخبار = بالكذب وبالهتان تسعى وراها
قلبك حـــقود وطبعك انجس من الفار = ودك تخلي الناس تكثر اعداها
بلسانك اللي كنه سنون منشار = تمشي ورى العالم وتبحث خفاها
وفكرك ملوث من خبيثات الأفكار = الناس تبني وانت تهدم بناها
الله يزيلك بأمر قصاف الأعمار = ونفسك من (الديبان ) تاخذ جزاها
ماأنت بكفو لمقابل رجالٍ خيار =( روس الرجال الله تحشم الحاهـــا )
هـــذي مناعير بمكانه ومقدار = ولا انت( حصني ) ماتجي مستواها
طبعك تختل الظهر ماكر وقدار= ولا الذايبه ترعبك في عواها
اعرف مقامك واترك طوال الأشبار = من قبــــــل لا يكسر خناعك عصاها
دور على ربعك قريبين الانظار= واضحك لها بالسن والــعب معاها
خطط ونفذ في ميادين الأشرار= وافكارك الشينه بتلقى فناها
يالبوم مانت بشابطٍ عيون الأحرار= ولا تفكر انك تتحــوم بسماها
اضحك على نفسك ومثل بالأدوار = اجزاء فلمك شايعه في صداها
وحنا نذوك المراره بالأشعار = وبفعولنا اللي كل طيب بغاها
مصالحك واجد وغايتك كثار = تبغى العلاج وحافظينٍ دواها
حنا هل ( العوجا ) نوادير الأندار = نسقي هل الطولات لا قل ماها
سقم العدا عز الخوي نحفظ الجار= اهل الحميه والأمور انحماها
(دواوية) ندوي لياصار ماصار = ندوي دروبٍ تتعب اللي مشاها
حنا هل البيرق على ظهور الأمهار = يوم النشاما ماتخلي اقصراها
وعلى قبيتنا كما السيف بتار = بني رشيد بروحنا ياغـــلاها
لا صار جمع نجيله اصغار وكبار = نفرح وبعض الناس رجله ثناها
ماهي حمية كذب مثلك ياثرثار= حمية الحاجه نعرف اعملاها
هذي بيوتي صغتها برمز وانذار = وابشرك اصفوفنا في لقاها

الموضوع الأصلي: (يـــــازارع الفــتنه ) | | الكاتب: فواز الدواي | | المصدر: شبكة بني عبس

[بنت العبسي]

اقتباس من مشاركة فواز الدواي ماهي حمية كذب مثلك ياثرثار= حمية الحاجه نعرف اعملاها هذي بيوتي صغتها برمز وانذار = وابشرك اصفوفنا في لقاها

الله لايجعل بيننا شخصية بهالصفات يحمينا المولى

:

قصيدة فاائقة الروووعة اخوي فواز الله يحميك

وصح لسانك

والله اني في قمة سعادتي لكون اول المتواجدين
لا اعدمنا الله هذه الاقلام الذهبية التي ما ان خاضت بحار القصيد
حتى غلبته بجزره ومده ... سلمت يداك ..

[ام جوانا]

ابعد الله عنا شر الفتن

صح لسانك لاخلا ولاعدم

[صقر عبس]

(دواوية) ندوي لياصـار ماصـار
ندوي دروبٍ تتعب اللـي مشاهـا
حنا هل البيرق على ظهور الأمهار
يوم النشامـا ماتخلـي اقصراهـا
وعلى قبيتنا كمـا السيـف بتـار
بنـي رشيـد بروحنـا ياغلاهـا
لا صار جمع نجيله اصغار وكبـار
نفرح وبعض الناس رجلـه ثناهـا
ماهي حمية كذب مثلـك ياثرثـار
صـــــــــــــــــــــــــــــــــــــــــــح لسانك راعي العوجاء والله والف نعم فيك ياشاعرناولابتك بل قدوتنا ومضرب مثل للافعال الطيبه
الشاعر فواز الدواي يعجز القلم وصاحبه عن الكلمات امام شخصأ كريم امثالك له مكانته عند كل رشيدي بارجاء المعموره
تقبل احترامي
صقر عبس المهيمزي الرشيدي

[فواز الدواي]

عزيزتي بنت العبسي

وانا سعيد بأنك اول الردود

حياك الله يابنت عبس

المحترمه

تقبلي فائق الود والاحترام

حفظك الله

[فواز الدواي]

حياك الله ام جوانا امين

بارك الله فيج على المرور

ملاحظة الرجاء من المشرف المحترم

تعديل الحرف روس الرجال الله يحشم الحاها بدال تحشم

وشكرا

[مرزوق العجوني]

صح لساااانك اخوي فواز ولا هنت على الرائعه وتقبل تقديري

[ثامر الدواي]

فـــواز ..

صح لسآنك

ابيات قمه في الروعه .. من شاعر رائـع .."

إبعـد الله عنا الفته .."


لاهنـــت