[أبو نوح]

أخواني وأخواتي مشرفي وأعضاء وزوار منتديات فارس بني عبس

يسرني أن أقدم لكم إحدى قصائدي المتواضعة والتي أتمنى أن تنال إعجابكم وتليق بأذواقكم

للقدم دربٍ منه ماعرف مخراجه=كل ماهب الهواء من شمالٍ سجّه
حلم مدري علم والا وهم وازعاجه=ماعرف وين اتّجه تايهٍ بالعجّه
منك ياللي بين خده وبين حجاجه=عين حرٍ يذبح الصيد مهما وجّه
ياطبيب القلب ياعلّته وعلاجه=ماتشوف اللي منك حالته مرتجّه
حاجتي لك والله إن مابعدها حاجه=والرسايل ماتصلك الله من الدَّجّه
باب بيتك محكم ومبرمٍ مزلاجه=وأنت تبرمني من بعيد برم الدِّجّه
ان سمعت الهرج لايزعجك هرّاجه=نجّ عمرك من هروج العواذل نجّه
ماعلينا من هروج ألسنٍ منعاجه=مايقارع بالحجج غير راعي حجّه
حبنا سامي عن البهرجه بأبراجه=حبنا ماهو محبّة عَوَج مِعْوَجّه
مع طريقٍ يخزي إبليس في منهاجه=اتفقنا به قبل لاتلجّ اللجّه

أبو نوح

مضيان عواد

الموضوع الأصلي: أهدي لكم هذه القصيدة | | الكاتب: أبو نوح | | المصدر: شبكة بني عبس

[صادق الوعد]

،،،،، ابو نوح ،،،،،،،

مشكور على القصيده الرائعه وصح السانك

قصيده تستحق الاعجاب


تقبل ؟؟؟؟؟؟ تحياتي

[سعد الرشيدي]

حاجتي لك والله إن مابعدها حاجه والرسايل ماتصلك الله من الدَّجّـه باب بيتك محكم ومبـرمٍ مزلاجـه وأنت تبرمني من بعيد برم الدِّجّـه ان سمعت الهرج لايزعجك هرّاجه نجّ عمرك من هروج العواذل نجّه

صـــــــــــــــــــــــــــــح

اللسانك وبيض الله وجهك

ابو نوح

على طرح هذه الرائعه التي تستحق القراءه اكثر من مره

لاتحرمنا من جديدك

اخوك سعد

[أنكسارحلم]

صح السانك يابو نوح

الله يبيض وجهك على هذه القصيده الجوهريه

ونتمنا منك المزيد طال عمرك


تحياتي

[عبدالله عوجان]

قصيده لها طابع خاص
قصيده اكثر من رائعه
قصيده لا يكتبها الا شاعر متمكن بل عبقري
يعرف كيف يتعامل مع بحرها الذي لا يطرقه الا شاعر له درايه ببحور الشعر النبطي
اشكرك من اعماق قلبي
على هذه الرائعه يابو نوح
وتقبل خالص تحياتي

[جـــــروح بارده]

مشكور على القصيده الرائعه وصح السانك

قصيده تستحق الاعجاب

[بدر الحشية]

صح لسانك وبيض الله وجهك

[أبو نوح]

اقتباس من مشاركة صادق الوعد ،،،،، ابو نوح ،،،،،،، مشكور على القصيده الرائعه وصح السانك قصيده تستحق الاعجاب تقبل ؟؟؟؟؟؟ تحياتي

أخي الكريم صادق الوعد

صح بدنك وأشكرك على مرورك العطر

تحيتي وتقديري لك

أبو نوح