[سعد الشقل]

بسم الله الرحمن الرحيم

محاورة ذات طابع خاص في شبكة عبس منتديات قبائل

بني رشيد حضور جماهيري مشرف شعراء شخصيات تفاعل اكتمل بروعته

ابداع شعراء القلطة .

لقاء مميز جمع الشاعر ..// سعد المحيش والشاعر..// على الهيفي

كان ذلك بتاريخ 3/11/2007 يوم السبت

اترككم مع المحاورة بعد التنيسق


سعد المحيش

على العز ياصرح(ن) رفع راس راعيه=ومن قيمتـه سمـاه بسـم القبيلـه
محبته فـي قلبـي وعينـي تراعيـه=ولا لا الاصيـل الا شـداد الاصيـلـه

علي الهيفي

وعسى الله يسمّح وجهته وكل مساعيه=هذاك الـذي سـواه وكمـل جميلـه
جمعنا بجمع الخير وصرنا دواعيـه=وكلن علـى ماقيـل ياخـذ حصيلـه

سعد المحيش

انا في ضميري علم ماني بناسيه=ويطري عليه كل يوم(ن) وليلـه
ابنشدك بعض الناس ماتقتنع ليه=ليا شب خشم الزند راس الفتيله

علي الهيفي

تعوّذ من ابليس الرجيم ونواعيـه=وفكر وخل اللي علومه بخيلـه
وجنب عن الجاهل وحذرا تلاعيه=وخله بمحله لارقيـت الطويلـه

سعد المحيش

مشاريه مايلحقه منى مشاريه=ولا همنى منهو نزوله رحيله
انا كل ماوحيت الندا قلت لبيه=ليا مال ظل ام الغصون الظليله

علي الهيفي

اقول الحقيقه ولا ماكان داعيـه=تدل الجدي وافرح دليله ودليلـه
تعرف الصديق ومات قالو نناعيه=عسى الله يبارك فيك رحم ٍ تشيله

سعد المحيش

انا اقول منهو باعله شئ يشريـه=ومنهو يعارضه الزمـن يرتكيلـه
سقاك الحيا من رايح(ن) سال واديه=انا ماتعرض كـل عابـر سبيلـه

علي الهيفي

ترى الطير لاجنب عن اللوح وداعيه=يبا افراق سجنه والحبـاري قليلـه
وانا سعد عيني بالمحيشي وطاريـه=ليا شفت بيته قمت اغنـي واشيلـه

سعد المحيش

على الهون ياليل(ن) سرينا مساريه=مادام المشاكل بيننا مستحيله
ليا عاند الهيفي وكبر علابيه=تلوح البروق الى بعرض المخيله

علي الهيفي

تدرهم تحاول مير ماانت بمجاريه=تشوف البروق ابعيد وعينك تخيله
ليا شفت نكبات الرفيـق ابتخليـه=وعسى الله يهني في بخيت وعديله

سعد المحيش

ترى الرامي الى مايضيع مراميه=وراع البليلـه مايكـب البليلـه
ابوزيد مسرع مايثبت مواطيـه=وسوى خبر لعـل ماتستويلـه

علي الهيفي

اعرف القدر لكن مااعرف خوافيه=واميّز عقول الناس واعرف ثقيله
وابوزيد مايسرع ليا جـا يدربيـه=خطا ويتحمل كـان مالـه بديلـه

سعد المحيش

اذكي علي ولا زمانـه يذكيـه=عليه يهوش وزبدته في صميله
اباحمي الميسم وبطرحه واكويه=ولا فيه تحت الجمر غير المليله

علي الهيفي

خطير الكلام اللي تقوله تسويه=وهرجن بلا فعلن يعوّد فشيلـه
يدور الفلك والجدي تبقا حراويه=وسهيل اليماني غاب مثلك مثيله

سعد المحيش

كلامك حلا حالي وفعلك محليـه=وصيحتك هاذي ياعلي ويش هيله
ليا ولعت بين الولد مع بناخيـه=يدور الزمن والكل يبـرد غليلـه

علي الهيفي

اشوف المهذري هذرا والله يشافيه=ولا يهذري الا من صخونة خليله
ليا صحت باول درب جنب تواليه=ترى الموت كله حاذر انك تجيله

الموضوع الأصلي: سعد المحيش × علي الهيفي | | الكاتب: سعد الشقل | | المصدر: شبكة بني عبس

[فهد المويسه]

بالفعل ابداع من نوع فريد سطرته حروفكم يا الهيفي والمحيش

بيض الله وجهكم على الطارووق الطيب

وصح الله لسانكم

وتقبل سلامي

[سعد الفلاح]

صح أللسان الشعراء على الطاروق الرائع وتسلم يمينك على النقل أخوي سعد ولاهنت يلغالي

[النجم]

محاورة رائعه وشعار معاني خفيه

[علي الهيفي]

بيض الله وجهك اخوي سعد الشقل على التنسيق الجميل ولاهنت والله

[عبد الرحمن خضير]

صراحه محاوره جميله وتحمل بين طياتها من البيوت والمعاني الممتعه كما اشكر الشعراء علي الهيفي و سعد المحيش
وتقبلوا تحياتي ودمتم بخيراخوكم ابومتعب

[عبس404]

صح أللسان الشعراء على الطاروق الرائع وتسلم يمينك على النقل أخوي سعد ولاهنت يلغالي

[عبدالعزيز الخياري]

الله الله

بكل صراحه محاوره رائعه بين الشاعرين سعد المحيش و علي الهيفي

شعراء مبدعــين وهذه المحاوره تعتبر من الوزن الثقيل من ناحية المعاني


الف الف شكر لك ياسعد على روعة التنسيق

تقبل تحياتي