|
خيارات الموضوع |
|
عندما كان أمير وفارس قبيلة العجمان راكان بن حثلين رحمة الله عليه في سجن الأتراك ،وفي أحد الأيام قدموا له صحن وفيه((خيار)) وهو نوع من الخضره ،وكان أول مره يراه فلما قالوا له اسمه تهيض وقال:
يالله يامعطـي العطايـا الخـيـارا = يامعطي الجنة عبيـدك مـن النـار ويالله ياخـلاّق لـيـل ونـهـارا = متعاقـبـات دب الايــام سـيـار والي طلعت شمسة وبـان النهـارا= والناس تسعى بالدلايـل والانظـار قالوا(خيار) وقلـت ماهـو خيـارا = ولافي خيار(ن)كود زينات الاثمـار خيار الملا ألملتقـى فـي الزيـارا = محمـد نـبـي الله ناتـيـه زوار وخيار البيوت كبارهـا والصغـارا = نزور بيت الله حجابن عـن النـار وخيار السبايا مسرجـات المهـارا = لاروحـت مـع اول الخيـل عبـار وخيـار الأباعـر طيبـات البكـارا = وخطوا رجوح(ن)بأول الذود معطار وخيارتـي ربع(ن)قـروم سطـارا = يفرح بهم قلبي اليا صـار ماصـار لا طـار ستـر مخبيـات العـذارا = والي شبك صوت الزعاريت والثار واليا تعلوا فـوق قـب(ن) تبـارا = فزعاته تجلي عن الكبـد الامـرار وماقلطوا للضيـف كثـر العـذارا = والكل منهم يكرم الضيـف والجـار وصيانين فيهـا الشحـم والفقـارا = ودلال فيهن أشقـر البـن وبهـار وانا لقيت خيـار بيـض العـذارا = ماهازها راعي الردى سر وجهـار ابـو قـرون كاسيـاتـه نـثـارا = متحدر(ن) من فوق الامتـان نثـار وحجيجته مثـل القلـم يـوم سـارا = بيت الطلاحي يصبغ الحبر وان سار والعين عيـن موحشـات الحـرارا = والحر الاشقر لابرق الريش عفـار وبريطماتـه كالبرسيـم صـغـارا = شبة الحرير اللي على الصدر بزرار وثنيـواتـة مثل لـولـو عـفــارا =شبة البرد وان هلتة مزن الامطـار ياشبة لريم (ن)لا جفـل واستـذارا = يشبة لريم(ن)مرتعة عشب الاقفـار وصلاة ربـي عـد رمـل الزبـارا = على النبي داس غبـات الاخطـار وسلامتكم واسمحولي على القصور وتقبلو سلامي
|
يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة | ||||
الموضوع | الكاتب | القسم | الردود | آخر مشاركة |
راكان بن حثلين// قصة حياته//// قصائدة// (تراثنا الشعبي) | ابو بيان | منتدى الشـــعــــر | 4 | 09-05-2009 01:35 PM |
راكان بن حثلين وفهد الفويه | فهد المويسه | قسم قصص وتاريخ القبائل العربيه | 13 | 30-08-2008 01:44 AM |
قصة خروج .... راكان بن حثلين من السجن .. | عبدالعزيز بن شري | قسم قصص وتاريخ القبائل العربيه | 17 | 12-01-2008 02:06 AM |
قصه وقصيده .... راكان بن حثلين عندما اسروه الاتراك | عبدالعزيز بن شري | قسم قصص وتاريخ القبائل العربيه | 11 | 27-11-2007 08:37 AM |
راكان بن حثلين | فهد المويسه | قسم قصص وتاريخ القبائل العربيه | 15 | 23-08-2007 11:01 PM |