[مرشدالمظيبري]

عيد :

في حضور شيوخنا والوجيه الطيبات

مرحبا ترحيبتن وسطها برق ورعد

الأدب والبورصة تستحيج مضاربات

والعرب دارين وأصحابنا ماهم جدد

رشيد :

في حضور شيوخنا والكواكب ثابتات

مرحبا في راعي العرف والماطر بعد

الأدب والبورصة في اللغة متخالفات

فرقها مثل الوعد والمخالف للوعـد

عيد :

كلهن بالمصلحة يارجـل متقاربـات

كيف تفهمنـي تركـد معايـه ياولـد

الأنانيـة تهـد القصـور العامـرات

ولايفرق شمل الأصحاب ياغير الحسد

رشيد :

أنت بأول خير والباقيات الصالحات

مير لاتكثر حسابك وتغلـط بالعـدد

الأنانية على راس زيد وزيد مـات

والحصيني يحلف الدين وذنيبه شهد

عيد :

التفت للشرق مضبوط وتشوف قنوات

جعل عين تبرح الدرب ماتشكي الرمد

كان ماتبغى تسولف معي زين السكات

وكان عندك سالفة شب نارك من زند

رشيد:

سالفتك المبهمة سجلـت بالكامـرات

يوم تلجا لأهل الفن وأنت ابن حمـد

لاتحسب إني مسجل بفلم عريب سات

انشد أقطار الجزيرة وسكـان البلـد

عيد :

أنت ما تقدر تناقش معاي المعجزات

عيد في لفت العمارة نزل وإلا صعد

البري لو يشتكونه خذا صك البراة

والنكد دايم يرمونه على راع النكد

رشيد :

المفاهم مـر ماعنـد نـا سكـر نبـات

وأنت ما أنت مكلم الناس وأنته في المهد

يالولـد غـوار مافيـه دور مغامـرات

مير هذي غطرسة عيـد تبقـى للأبـد

عيد :

أنت بدوي ما لك إلاثـلاث بعيـرات

وأنت رابعهن ولاغير هالجملة عـدد

لاتضيق بك الدروب الوساع الواسعات

المثل قال لك من جد يالصاحب وجـد

رشيد :

أنت تاجر حيضري معك سبع الموبقات

وأنت ثامنهن وعشيق مزبـور النهـد

لاتـورث حجـة الغاويـات النافثـات

تدعي فالظن والظن ما يحسـب سنـد

عيد :

هكذا نضغط ونخلف مسير الشاحنات

الحمل بظهورهن والنهاية في البلـد

سامح الله ربعنا بالوزان الناقصات

عوذ برب الفلق عوذ برب الصمـد

رشيد :

أنت شايب جاهلي فات عمر العود فات

الله إنه ينصر الديـن والحاكـم فهـد

مالك الله ينفعك عندنا حسن الصفـات

لو يقولون إن مـن رد ماعـده شـرد

عيد :

طال عمر ملوكنا والعيون الساهـرات

في ذراهم تمرح الضأن في واد القهـد

العن الشيطان يابو شنب سبع لعنـات

وكان صدرك ضاق قللي وتبشر بالسعد

رشيد :

الموذن يوم يذن ينـادي للصـلاة

والمنافق شين في سنة محمد جحد

لعنة الشيطان ناخذ بها سبع حسنات

وأنت لو تضيق منا تبي تمسي كمد

الموضوع الأصلي: عيد بن مربح ورشيد بن معدي | | الكاتب: مرشدالمظيبري | | المصدر: شبكة بني عبس

[صقر ابن عبس]

تسلم يامرشد محاوره جميله من شعراء رايعين

[محمد الراشد]

تسلم يالغالي
وماقصرت

[مرشدالمظيبري]

يعطيك العافية على المرور

[(*العرعري*)]

مشكور وماقصرررررررت

[مرشدالمظيبري]

يعطيكم العافية على المرور

[معجب المهنا]

تسلم يامرشد محاوره جميله من شعراء رايعين

[مرشدالمظيبري]

يعطيك العافية على المرور