[صادق الوعد]

مطلق,,,,,,,,


السحيمي ينفض اللحية ويطوي في معمه

طار عقله من شليويح المطيري والزلامي

البعير اللي يشيل الحمل عود يرضع امه

بعد قالوا شامخ النيبان مردوم السنامي



صياف,,,,,,,,,


السحيمي يوم غنى حطكم في راس كمه

ثم خلاكم عجينه كن مافيكم عظامي

***** يمشي على الدرب وكلامك مايهمه

من هديره قمت من نومك وحرمت المنامي



مطلق,,,,,,,


الزمان اللي ستر حالك وحالي لا تذمه

والحرم من دونه المسعى وبيبان السلامي

انت داب كل ما حرك شدوقه سال سمه

والله انا مانذوق السم يالداب التهامي



صياف,,,,,,,,,,


انت ذيب تكره البارود لو انك تشمه

ماتحب النور الابيض ماتحب الظلامي

الطعام اللي ليا شفته على صدرك تضمه

لا تقول انه حلال ولا تقول انه حرامي



مطلق,,,,,,,,


علمو صياف لا يتبع خفيف الظل عمه

دام انا وياه فالمذهب وفالطرقه ليامي

قله انا ما نبا اللي بننا نقال نمه

بعد عود بايعه بين القبايل ما يسامي



صياف,,,,,,,,,,


انت اشوفك كل ماتسرح تضوي لك مطمه

تحسد المسلم على دينه ليا صلى وصامي

لا يزعلك الكلام اللي عسى ربي يتمه

ثم بده مستريح بلا شراب ولا طعامي


مطلق,,,,,,,,,,


كل شي في طريقك يابيض الشارب تخمه

لين ضيعت الفشق والبندقيه والحزامي

ان نثرت القش ياصياف ماتقدر تلمه

وان قربت من العرب ميسمك جوف النار حامي



صياف,,,,,,,,,,,


لو بيتر كلك على باب الخزينه رحت يمه

وان نظر لك نظرة حمراء تعديت النظامي

المسافر ما يطب البحر لين انه يطمه

يذكر الله في بلد مكه ويلبس له حرامي

الموضوع الأصلي: محاورة... مطلق الثبيتي ؟ وصياف الحربي | | الكاتب: صادق الوعد | | المصدر: شبكة بني عبس

[أنكسارحلم]

مشكور ياصادق الوعد

على نقل هذه المحاوره الرائعه بين عمالقة الشعر
الشاعر مطلق الثبيتي الله يرحمه ,, والشاعر صياف السحيمي الله يشفيه

بارك الله فيك

[صادق الوعد]

الاخ ناصر.....

اشكرك من كل قلبي على المرور وتسلم يالغالي

[عبدالعزيز الخياري]

مطلق الثبيتي ، صياف الحربي

شعار من كبار الشعراء خدمو الساحه الشعريه وبقيت أبياتهم يرددها متذوقين الشعر.

رحم الله الشاعر مطلق الثبيتي وشفا الله صياف الحربي.

ومشكور ياصادق الوعد على النقل

[صادق الوعد]

مشكور اخوي عبد العزيز على المرور

[عمرالحربي]

---------------------تسلم صادق الوعد

---------تسلم على النقل

[ابو براك الرياض]

الله يعطيك العافيه