|
خيارات الموضوع | ابحث بهذا الموضوع |
|
على ذاك الرصيف اسهر و اناجي بكل الجنون ( القار
اكلم شارع ٍ خالي سواده من سواد الليل ترى ماهو فَلَس ولا بقلبي قـلّـت الأشعار و لكن واقعي يفرض علي اكتب بلا تعديل انا راح العقل مني و عندي للجنون اعذار معاناتي اذا بوصف .. تفوق الوصف و التعليل من اللي قد وقف مثلي يواجه لعنة الأقدار ؟ رضى يبقى و يتحمل .. عشر اضعاف همه يشيل من اللي ثبت اقدامه يقاوم شدة التيار ؟ و يعرف ان النخل و هو النخل راح و جرفه السيل من اللي حب له طفله و حلم من يوم كانوا صغار يتوج حبه بفرحه .. و امه تحضنه بتهليل يمر الوقت و سنينه تمر و يستوون كبار ويتغرب لجل حلمه .. يسابق كل شباب الجيل و يرجع رافع ٍ راسه بعد ما صار هو طيار و بقى من حلمه الوردي زفافٍ يرفض التأجيل يجيها يقول حان الوقت .. تعالي نكشف الأسرار= طفح كيل الصبر ما عاد في صبري و صبرج كيل و يذكرها بوقت صار مع مر الزمن تذكار بأيام الطفوله يوم يغرقها غلا و تدليل يمازحها و تردد له ( ترى الكذاب يروح النار ) =يجافيها و تهمس له ( أعرف ان الجفا تمثيل ) ! و تدمع عينهم لثنين .. يهلون الدمع مدرار= ترى الذكرى ولو حلوه .. طواريها تهد الحيل و تسرح في وسط عينه .. تفكر .. تترجف .. تحتار يسألها عسى ما شر ؟ ... و يطيح من ايدها المنديل و تنزل عالركب و تقول .. تسامحني على اللي صار ؟ حشا والله ما خنتك .. و لكنه حصل تبديل! تراها غيبتك طالت و تدري وقتنا غدار =كبرت .. و خفت تتأخر .. و خير البر بالتعجيل و يشهق .. يلمح الخاتم .. يحس القاع تحته دار ولا يستوعب الموقف بليا شرح او تحليل يسود الصمت .. ولا كلمه .. و نظره كلها استنكار شلل صاب اللسان و صاب كفين العتب تكبيل دقيقه تمر .. طعمها مر .. نهاية عمر .. موت ازهار= خسارة حب. ضياع فـ درب. نار تشب. عذاب و ويل و يسرح .. لو بعيده تهون .. و لكن كيف بنت الجار !! و يكسر صمته بصرخه .. تعدت في مداها سهيل و يفقد وعيه و ينزل على قاع الثرى منهار مصيبه كيف يتحمل ؟ .. ترى ما بالأمر تسهيل ما بينه و بين غرفتها .. ممر ٍ و نْخله و جدار و هذا اللي يعذبه و يزود طينه بتبليل يشوف اللي سرق عمره .. سكن وياها نفس الدار غدى جار ٍ و له حق ٍ نزل في محكم التنزيل و يتخيله يغازلها و يقول انه عليها يغار و يتردد صدى همسه و لمسه و ضحكه يناظر دارها و فكره ورا ذيك الستاير و شباك الهوى عتمه بعد ما زادوا التظليل يقرر زوجها يبني و يرفع مستوى الأسوار و يتصرف على كيفه .. عنده منهم توكيل و مكسور الجناح اللي بلا ذنب ٍ يذوق امرار يصارع حسرته و يجر بعد ذيك الهزيمه ذيل يفكر كيف طاوعها الضمير تكون شي ٍ ضار بعد ما كانت لعمره عمر يحسب مداه طويل خذت كل ما بقى منه .. و من عقله خذت الأفكار= و برواز الوعد مايل .. خذته تخاف قال و قيل عطت بروازه لغيره .. و خلت في الحشا مسمار و آخر كلمه قالتها .. رجاءاً ما ابيك تعيل !! و رد بكل غضب يسأل ... تحسبيني من اهل الثار؟ انا وقتي غدى ملكي .. و لا يتحمل التعطيل وداع الله .. و اذا بعدج مرض .. ايماني العطار انا لي رب ما يهمل .. بقرا كتابه بترتيل و اذا كانت مسافات المنازل بيننا اشبار بخليها سفر ايام .. و اساوي كل شبر بميل و اذا قالوا علي مجنون .. او ملبوس و صابه زار يناجي شارع ٍ خالي لوحده في توالي الليل بقول ان الجنون ارحم .. كتبت من الجنون اشعار و صدق اشعاري يتحدى الذي قال الشعر تمثيل و اعيش العمر ارددها ( ترى الكذاب يروح النار ) براءه كانت الجمله .. و لكنه حصل تبديل حكاية عمري من يوم الطفوله لين صرنا كبار في هذي الصفحه شفتوها و عايشتوها بالتفصيل ابي شخص ٍ ينورني .. و من ابياتي بس يختار حرف ٍ ما شكى من هم .. و يبشر مني بتعديل بعدها بعلن افلاسي .. و بترك عالم الأشعار لأني ما قدرت اعطي لحزني في الشعر تعليل و برجع للسرير اللي من غيابي شكى محتار و اريح عين شوهها سواد ٍ يشبه التكحيل و في آخر بيت بسألكم .. عرفتوا ليش اناجي القار ؟ =قولوا للثريا من تناجي لو خذلها سهيل الموضوع الأصلي: حكاية عمري من يوم الطفوله لين صرنا كبار | | الكاتب: عاشق الصحراء | | المصدر: شبكة بني عبس
|
|
اشكرك ع مرورك اخوي راشد تحيااااااااااااتي لك
|
|
الله لايهينك
حجاج مرورك اسعدني تحياتي
|
يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة | ||||
الموضوع | الكاتب | القسم | الردود | آخر مشاركة |
عزاااه صرنا نلتقي | ابن الصميدي | منتدى الشـــعــــر | 9 | 05-12-2012 07:23 PM |
نـــحن في زمن صرنا نخاف الصدق ..؟ | رشيديه و أفتخر* | المنتدى العــــــــــــــــام | 20 | 27-02-2011 05:01 PM |
سرنا | السيف القاطع | منتدى الشـــعــــر | 9 | 21-09-2010 12:48 AM |
(( صرنا نتكلم مع بعض بالدقايق )) | (( الماســـة )) | قسم الشاعر ثامر شبيب الدقباسي | 18 | 13-04-2010 12:53 PM |
صرنا لغربتنا عبيدٍ مماليك يابو فوزان | شاعر الجن | منتدى الشـــعــــر | 18 | 20-05-2008 12:20 AM |