[عبدالعزيز الخياري]

محاوره للشاعرين العملاقين

عبدالله ابن شايق

رشيد الزلامــي
ابـــــــــن شــــايـــــق

ياماعازيب الوفاء ونتـم دعيتونا وجينـا=قبل مردود البريا زيـن مـردود السلامـي
الزلامي شاعر(ن) شايب وله حق(ن) علينا=والحقيقه كل خلـق الله يحبـون الزلامـي

رشــــيــــد الــــزلامــــي

مرحبـا والله يحيكـم وحـنـا حاظريـنـا=ونتبـه للكلمـه اللـي لاحـلال ولاحرامـي
اثر في قلبك محبـه مـن زمـان ولادرينـا=شوفلك واحد سنينك يتجه بك شرق و شامـي

ابـــــــــن شــــايـــــق[/LIST]

الرجـال الطيبين يـقـدرون الطيبيـنـا=خلنا نلعب ونكسب خبرتك خمسين عامـي
لاتناظـر فـوق وتعـد الليالـي والسنينـا=الحرامي يحسب كل من قابله مثله حرامـي

الـــــــــزلامــــــــــي

شد حيلك وادحم الشعـار بالجنـب المتينـا=والهدف في راس ظلع(ن)مايصيبه كل رامي
والله انا مالقينا صورتك في حـرب سينـا=مير هذا الوقت جبـت البندقيـه والحزامـي

ابـــــــــن شــــايـــــق

عيت الشاره تطيح اليـا رميتوهـا رمينـا=الطمع بيني وبينك فالـردوف وفالسنامـي
ونت لك صوره على شاطي بحر هادي ومينا=لاتلحقنـا الملام ولانلحقـك المـلامـي

الـــــــــزلامــــــــــي

ودنا يسـرون ظيفـان الكرامـه مكرمينـا=ون بغيت اكوي كويت ابليس والميسام حامـي
عقب ذاك الوقـت اظنـا لانبيـك ولاتبينـا=رحت مرواح الغراب الي تقفـاه العسامـي

ابـــــــــن شــــايـــــق

ان رضيتوا مازعلنا ون زعلتـو مارضينـا=لاتخلينا نشيل الـروس ونقـص العظامـي
فيك ثنتين(ن) سـوا والثالثـه وحـده وفينـا=نحمد الله ظحكت الدنيا لنـا والحـظ قامـي

الـــــــــزلامــــــــــي

ياعيال العود مـادون الحلـوق الا اليدينـا=مير حنا يوم شفنا العود في خشمه عرامـي
من قرارت نجد سقناكـم وجيتـو مقبلينـا=مادرا جنب الحصـاه الا تـردون السلامـي

ابـــــــــن شــــايـــــق

لونعد الفعل الاول كم خذيتوا وكـم خذينـا=ياحليمه جوك خـلان الاشـده والمسامـي
يوم حولنا عليكم من يسـار ومـن يمينـا=رحتو من نجد العذيه يالحجازي والتهامـي

الـــــــــزلامــــــــــي

شفت ذريت حليمه يـوم جوكـم سارحينـا=ان حييت بغبنها ون مت مانتـه لارحامـي
ان فعلتو شي في ذاك الزمـان مسامحينـا=انتبه هذا كـلام المعركـه ماهـو كلامـي

ابـــــــــن شــــايـــــق

دورو لشيخوكـم وليـا نسيتـو مانسينـا=انته مانتب حامين بيض الحباري والنعامي
ان خجلتو وستحيتـوا ماخجلنـا وستحينـا=اسمحو لـي باتكلـم ياعزيزيـن المقامـي

الـــــــــزلامــــــــــي

الصحيح انـا ناسيينـا مـن حنـا فاقدينـا=تاخذ الراعي وناخذ فيه حاميـن الجهامـي
ياله اغفر ذنبنـا ان كـان حنـا مسرفينـا=والخطيه يوم عرظنا القحاطيـن المظامـي

ابـــــــــن شــــايـــــق

كان شيخك راعين عندك شيوخك ظايعينـا=انته صاحب السبع وحيان ياخذك المنامـي
اشتكيتـوا لاشريـف ويعلـم الله ماشكينـا=ون ظمينا يالزلامي كـان وردنـا الحيامـي

الـــــــــزلامــــــــــي

ياولد شايق ترى الله سامحك دنيـا ودينـا=ثايرن دمك من الماظـي ومثلـك مايلامـي

الموضوع الأصلي: رشـيد الزلامـي وعبدالله ابن شايق0000 | | الكاتب: عبدالعزيز الخياري | | المصدر: شبكة بني عبس

[سعد الشقل]

يعطييك العافيه اخوي الشاعر المشرف المبدع عبدالعزيز الخياري على نقل هالمحاوره الرائعه


وتسلم يمناك الي جابت لنا لعبت عملاق الشعر الزلامي وابن شايق كلاهما شاعرين غنين عن التعريف


تقبل تحيتي

اخووك سعد المهيمزي

[عبدالعزيز الخياري]

حياك الله ياسعد وشاكرلك مرورك
والمحاوره من أقوى المحاورات بين ابن شايق والزلامي

[ابو براك الرياض]

الله يعطيك العافيه