[**الرشيدي**]

العبسيـــــــــة ...لـ..عيد بن مربح

بديـت باسـم مكون الإنــس والجـــــان=بـاسمه يعـــاهد كـل جـــنّ مــرودي
وردًا علــى مـا قـالـــه فـــلان و فــــلان = ضعوف النفوس اللي تغث الكبـودي
تــاريخ متجـــرد و تألـيـــف عـمــــيـــان =كــنه عـلى ظـلم العـبـاد محــــدودي
أخص من سـطـر بالاحــــقــاد ديــــوان =حــقـود والمــصدر كتابـة حـقـــــودي
اليا إنعـدم مبدى العـقـيـدة بالانــســـان =يـقــد ر يـسـوي ما يسوي اليهــودي
ولأهل الوفا والصدق شكـــرًا وعـــرفـان = وتــحـيـــةٍ عــطــــرة وباقـــة ورودي
نعم رشيدي من بني عـبـس غطفـــان = مـن قيس بن عيلان شجرة جــدودي
تحت مسمى عبس واشـجع وذبيــــان = تـــلقى عنــاويني ومـجـدي وجـودي
هرجٍٍ على صدق وحقايـــق وبرهــــان = حقـايــقٍٍ تـد مـغ دماغ الجــحـــودي
حقايقٍٍ تروي معــانـــي خـبـــــر كــــان = بخــطوط كــوفــية بصـمّ الحيـــودي
حصل المنافس والسّبب سـبّة رهـــان = سبّـة فرس وحصان راحت فهــودي
وجـانا بغــــــــا التركـي ودارنّ الاكــــوان = دون الكــرامة و الوطن والعـــدودي
ومـرّالجفـــــاف وراحوا البــدو فـــرقـــان = كــلٍِ طـوى بـيـته بظـهـر القعـــودي
وزاحوا لـنا مـن غـبــر الأيام فــرســان =أحــدٍ حــدر و أحـدٍ توجـّـه سنــــودي
شالوا عـلى فـلك البحـر لام درمـــان =يـبـون وديــــانٍِ سقــتها الـرعـــودي
ثـم اسـتقـروا بيــن كسـلا وحـلـفــان = يـتــلون شـــف مـطيــرات البـــدودي
ونزلٍِ نزح للسّيــف راضــي وقـنــعــان = مــن البحـر للــدبــدبـــة للــنـفــــودي
قوم لهـم في ساحـة المجــد مــيـدان = يـــوم إنّ كــلٍِ دون حـــــدّة يـــذودي
صـالوا وجـــالوا وأستقـــروا بـهـــدلان =دار الصـبــاح اللى تـلــم الـوفــــودي
ونزلٍِ تورث منـــزلة عـبـس بـآبــــآن = ونزلٍِ بوادي السّر سـوى الســـدودي
وفي كـل دار إلـنــا موارد وعــــربــان = وتاريخنا بارض العرب لــة وجـــودي
وحـنـا بقـيـنا بالـمنـــازل والأوطـــــان =بأقسى الظروف مواصلين الصمودي.
تـرمــز لنا الكـفـــة هـويـه و عنــوان = النــاس تعــرف والعــواني تـــرودي
يـوم الجزيـرة بيـن تسعـيـن شـيـطـان = نطعـن ونطعـن دون هـاك الحــدودي
من المـدينـة حـدنا ضلــع حـبـــــران = ما يـمـرها الا من خـضع للـقــيــودي
ومن حـرّة الكورة لـشــرقي مراغــان = بعـد أمـرنا يـردون مـاها الــــورودي
ومن ذاق ضرب سهـومنا راح نـدمـان = ـمــوت مـا فـــكـر بـلـم الــجــرودي
إسلاحـنا قـــوّ العـزيـــمة والأيـمـــــان = وألاّ عـــددنــا بالـحـساب مــعــدودي
ودخـيـلـنا ممـن عن الضـيم ما يهــان = وسلامـتـه نبـذل وراها الجــهــــودي
وخوينا ما يكـظـــم الغــــيـض زعـــلان =وقصــــيرنا نعـطـيـه حـقــــه وزودي
حنـا هـل المعروف ورجـال الاحســـان = قــوم نجــود اليا انعــدم كـل جـــودي
وأمجادنا غصـبٍ على كــل مــرضــان = شعاع ذري في عــيــون الحســـودي
ويوم أرسـل اللـه مـسـلمًا لم الاخـوان =ســرنا ورى صقـر الجزيـرة جنـــودي
من ضمن جيش الفيصلي نسل عدنـان = والله يشـهــد والخلايــــــق شهــودي
وننعـــم بحكم محاسبة كــل غـلـطــان = ولا عاش من يجرح كرامة سعــــودي

عيد بن عوض بن مربح القلادي الرشيدي
اخوكم:**الرشيدي**

الموضوع الأصلي: العبسيه..ل ..عيد بن مربح | | الكاتب: **الرشيدي** | | المصدر: شبكة بني عبس

[المتــــابع 2]

شكراً جزيلاً لموضوعك القيم...

يا **الرشيدي**...

تحياتي وتقديري

المتـــــــــابع

[أبوفهيد977]

يعطيك العافيه اخوي الرشيدي وبيض الله وجهك على النقل الجميل لشاعر الكبير عيد بن مربح وابو غريب
وتقبل مروري اخوي الرشيدي وشااااااااااااااااااااكرلك

[سعد بن عادي]

صح لسان شاعر عبس ابو غريب


قصيده تسجل في التاريخ

ويحفظه الكبير والصغير

وابشرك اخوي الرشيدي ان شاعرعبس سيكون بيننا في الايام القادمه ..

وشرف تواجده وتواجد قصائده
واسمح لي بتنسيق القصيده
ولاهنت عنقل
ان اشهد ولا عاش من يجرح كرامه سعودي ..,

وتثبيت لعيونك وعيون شاعر عبس أبو غريب
دمتم كما تحبون

[عيسى المويسه]

صح لسان شاعر عبس ابو غريب


قصيده تسجل في التاريخ

ويحفظه الكبير والصغير



مشكور على النقل الطيب


لك تحيتى


...

[رويبح رباح العويمري]

الرشيدي شكراً لك اخي الكريم