[ابو محمد العريض]

صدر الحزين يطاوع الضيق .. و يضيق

من كل صوب .. و تصبح العين ديمـه

ينزل مطر .. و يلوح براق .. و تفيـق

كل الجـروح .. المبطيـات .. القديمـه

و أنا .. علـى الدنيـا قليـل التوافيـق

ما غيـر أساوقهـا بـراي و عزيمـه

يا فـوح قلبـي مثـل فـوح الاباريـق

عليـك ياللـي لـك عروقـي محيمـه

أقبلت لي و الحـب .. حـظ و توافيـق

و أقفيت عنـي .. و النتايـج وخيمـه

علقـت نفسـك فـي زوايـا المعاليـق

و حطيت لك بيـن الحنايـا .. وسيمـه

و أصبحت عندي فوق كـل المخاليـق

تخطي و لا لك غيـر قـدر و حشيمـه

و انا و ربـي مـا نقضـت المواثيـق

لا زلت أشوفـك راس مـال و غنيمـه

دونك سحاب الدمع و مشـارق الريـق

و عقبك ضياع و جرح قلب و هزيمـه

فأن بعتنـي فالسـوق بيـع الصناديـق

عـز الله انـك بعتـنـي دون قيـمـه

ليتك تشـوف ابـواب قلبـي مغاليـق

ما هيـب لا و الله .. و عـادة حليمـه

ما همنـي و النـاس جمـع و تفاريـق

ما دمـت منتـب فيـه روحـي يتيمـه

يا صاحبـي تبكـي عليـك الطواريـق

جزل البيوت .. الفـاردات .. العديمـه

أرحل .. و طيبك فوق روس الشواهيق

لا تلتفـت لـي يـا قـوي الشكيـمـه

و أنا علـى خبـرك وريـث المطاليـق

راعي مواجيـب و شجاعـه و شيمـه

مثل الجبل و أقرب مثل عندك .. طويق

شامخ .. لو ان الريح تنحـت صميمـه

يالله عسـى فالـك معـزه و توفـيـق

ياللي جعلت أهـداف عمـري عظيمـه

عقبك لي الله ثـم شمـس المشاريـق

و الشرقـي و هبّـة هـواه و نسيمـه

و الشوق و هموم الجـروح المفاتيـق

و البرد و الحـزن و شـوارع رحيمـه

يالغالـي اللـي كنـك بقلبـي اتـويـق

جرحـك كريـم .. و ذكرياتـك كريمـه

أنت و انا .. نشبه حضارات الأغريـق

القوم راحـوا .. و الحضـاره مقيمـه

الموضوع الأصلي: دونك سحاب الدمع ومشارق الريق وعقبك ضياع وجرح قلب وهزيمة | | الكاتب: ابو محمد العريض | | المصدر: شبكة بني عبس

[عاشق الصحراء]

فأن بعتنـي فالسـوق بيـع الصناديـق

عـز الله انـك بعتـنـي دون قيـمـه

ليتك تشـوف ابـواب قلبـي مغاليـق

ما هيـب لا و الله .. و عـادة حليمـه

ما همنـي و النـاس جمـع و تفاريـق

ما دمـت منتـب فيـه روحـي يتيمـه

مشكور اخوي تحياتي لك ..وصح لسان الشاعر

[العريض]

رائعه

لاهنت اخي

ابو محمدالعريض

على النقل الرائع اللذي يدل على ذوقك الراقي

دمت بحفظ الرحمن

[ابو محمد العريض]

تسلم اخوى الغريب

[ابو محمد العريض]

مشكور

اخوى حجاج تحياتى