[سعد الرشيدي]

بسم الله الرحمن الرحيم ..

كل عام والجميع بخير وعافية ....

كتب احد الشعار الرواد قصيدة في موقف معين والقصيدة عباره عن بيتين فقط وبها فكاهه ولكن يوجد بها من العبر والمواعظ الشي الكثير من الحكمة والنقص الغير ملاحظ ببعض المضايف ...

اعجبتني القصيدة على قل بيوتها ولكن الاختصار في مثل هذه المواقف مفيد وخاصة اذا الشاعر ابدع بتحليل الموقف وصياغته بطريقه اكبر من رائعه وغير مزعله او حساسه بنفس الوقت ...

يقول شاعرنا ابو حمد ..

ترى دجاجه حجمها خمس ميه =مبهره ومكشنه ومحموسه
تسوى ثلاث مفطحات وتحيه= في مجلس ماتستريح بجلوسه

وعندما وصلت الى مسمامع شاعرنا ابو صالح جاراها بالرد التالي ..

عن الدجاجه يازبون الونيه=تمره وفي سمن الرخال معفوسه
النفس ماهي من بلاها خليه=مثل الابنص الي على ربع دوسه

ووصلت الى مسامع شاعرنا ابو خالد وجاراها بهذه الابيات ...

الشاوري بالكيس والنار حية= والوقت درسنا ونحفظ دروسه
ياصاحبي يامسوي الشاذلية= لاتسوقها على الوجيه العبوسه
سقها على اللي يحتمون الونيه=مزبان من دنياه قامت تحوسه
رجل (ن) وعاداته مايرضى الخطيه=لاضاق صدره فيه ضاقت لبوسه
والمجلس الي مايثمن مجيه=ماهو بلازم ياصله مع عسوسه
ابعد عنه لو مع الديار الخليه=اخيرا له من مجلس(ن) فيه سوسه.

كما اطلب من عمدتنا الغالي وشعارنا الاكارم مجاراة هذه القصيدة ولو ببيتين فقط لانه راح يكون لها تنسيق وترتيب مدون وموثق بأذن الله مع مجاراة الشعار لها ...

وتقبلو تحيات اخوكم سعد ..

الموضوع الأصلي: قصيدة الدجاجه مطلوب مجاراتها من الشعار | | الكاتب: سعد الرشيدي | | المصدر: شبكة بني عبس

[ملفي العجرمي]

مرحباً تراحيب المطر بالأخ العزيز الغالي سعد الرشيدي
وعيدك مبارك وكل عام وأنت بخير
ومشكور على هذا المضوع الجميل ولي الشرف أن أكون أول
من شارك بارد على موضوعك للشاعر
أبو حمد
============

[الشاطئ المهجور]

كل عام وانت بصحه وسلامه من العايدين الفائزين

اشكرك على الموضوع الذي لم يسبق مثيل له أأأهنيك على ابداعك أأ اهنيك على الاختيار الموفق حفظك الله لعين ترجيك

تحيتي لك

مشاركه على الخفيف

الجود با المـــــوجود مابه رديه ......لو القدر كـــله دجـــاجه وكوسه
ماهمني كبر المفطح وحيه ..... يذبحك منهو ساكن(ن) وسط حوسه
يهمني من يبتسم في مجيه....... وعلى الخشم والعين يعطيك بوسه

[ملفي العجرمي]

ضحك الحجاج ومرحبا والتحية=تسد يوم التبع علمه يحوسه
تسد عن هذا وهذي وذيه=من واحد للضيف ما أبدا عبوسه
وافٍ بعلم الطيب وأيضاً الحميه=شبلٍ عن اسلافه يطبق دروسه

ملفي بن صبح العجرمي

[النقيشى]

عيدكم امبارك اوعساكم من عوادة اوروادة
حبيت اجارى الاخوان















دجاجت الدكان تطبخ اونيه ***كلن عطاها صبروهي امعفوسه
حرام ماقربهاوتقرب عليه***ويسدنى لحم القـــــــطافى طعوسه
ودجاجت البراد قالوهنيه***عندالذى يمـــــزق اويكظم ضروسه

[سعد الرشيدي]

اقتباس من مشاركة ملفي العجرمي مرحباً تراحيب المطر بالأخ العزيز الغالي سعد الرشيدي وعيدك مبارك وكل عام وأنت بخير ومشكور على هذا المضوع الجميل ولي الشرف أن أكون أول من شارك بارد على موضوعك للشاعر أبو حمد ============

ياهلا وغلى فيك وبطلتك اخوي ملفي وابرك الساعات وكل عام وانت بخير ...

واتشرف طال عمرك ..

[سعد الرشيدي]

اقتباس من مشاركة الشاطئ المهجور كل عام وانت بصحه وسلامه من العايدين الفائزين اشكرك على الموضوع الذي لم يسبق مثيل له أأأهنيك على ابداعك أأ اهنيك على الاختيار الموفق حفظك الله لعين ترجيك تحيتي لك مشاركه على الخفيف الجود با المـــــوجود مابه رديه ......لو القدر كـــله دجـــاجه وكوسه ماهمني كبر المفطح وحيه ..... يذبحك منهو ساكن(ن) وسط حوسه يهمني من يبتسم في مجيه....... وعلى الخشم والعين يعطيك بوسه

هلا وغلى بشاعرنا الشاطي المهجور ..

اشكرك على هالاشادة والحقيقة القصائد الذي تقال في مواقف معينه لها قوة واثر وخاصة اذا دخلت بها روح الفكاهه والحكمة بنفس اللوقت ..

صح اللسانك على المجارة الرائعه ولاعدمناك ...

[سعد الرشيدي]

اقتباس من مشاركة ملفي العجرمي ضحك الحجاج ومرحبا والتحية=تسد يوم التبع علمه يحوسه تسد عن هذا وهذي وذيه=من واحد للضيف ما أبدا عبوسه وافٍ بعلم الطيب وأيضاً الحميه=شبلٍ عن اسلافه يطبق دروسه ملفي بن صبح العجرمي

صح اللسانك وبيض الله وجهك يابن صبح ..

كفيت ووفيت بهالدرر والحكم عساك على القوة ...