[جفاا]

:
جاني واحد قال : بسـأل كـم سـؤال
وقبل يسأل قلت : أنا مانـي خبيـر !
قال: جاوب بس , يـا ولـد الحـلال
وكل كلمه حِطَّهَـا .. بشطـرٍ صغيـر
قال نبدي : شنهو تعريف المُحَـال..؟
قلت : خَل هالكلمه ف الشطر الأخير ..!
القهر : إن شفـت دمعـات الرجـال
والوطن : ( إنسان ) .. مِتغيِّر كثيـر
والطفل : لعبه علـى شاطـي الرمـال
والأمل : إحساس في عيـن الضريـر
الوفا : [ قلبين ] .. يجمَعهُـم حـلال
والرَجُل : اللـي علـى أهلـه يغيـر
والرجـا : لا قلـت : للواطـي تعـال
والفشل : مـدري .. ولكنـه مريـر
والشعر : في وقتنا .. بـدر وطـلال
زين وأوَّل : حيل يعجبني جريـر ..!
والغلا : إحسـاس إلـى حَـد الخيـال
والعِشِق : لا شفت مَعشُوقِـك تطيـر
والجفا : إعكس مفاهيـم / الوصـال
والوَصِل : يعنـي تأكَّـد فيـك خيـر
والعقـل : تِسْفَـه أقاويـل الجـهـال
والجهل : إن قلت عن نفسـك كبيـر
والخطر : لا صار مـا عنـدك مجـال
والبلا : إن صـرت معـدوم الضميـر
والعجب : لا صرت تسأل منهـو قـال
والتعب : إن كنت تِبْحَثْ عن مصيـر
الغنى : بالنفس مـا هـو راس مـال
والفقر : من كان .. بأعمالـه فقيـر
يكفي يكفي .. أسئلـه إنهـي الجـدال
ويالله علمني عَن .. السِّـر الخطيـر
ما أبي تضرب لي في غيـرك مثـال
قول : عنِّك وإعتبر سِـرِّك فـي بيـر
جات طعنـه مِـن جنوبـك والشمـال
يعني وضعِك بين مِن حُولـك خطيـر
صاحبـي وإن ضاقـت بعينـك ليـال
لك فرشت القلـب مفـروش الحريـر
في [ بلاد الحلـم ].. ممنـوع العقـال
والمصيبه الشعب مـا إختـار الأميـر
وما ألومك .. كـان شدِّيـت الرحـال
دام بيتك جـرح / وفراشـك حصيـر
هـذا تعريفـي إلـى كلمـة : مُحَـال
شيء ودِّك فيه ولا يمكـن يصيـر ..!

ممآآ رآآق لـي :)

الموضوع الأصلي: ~ في [ بلاد الحلـم ].. ممنـوع العقـال ~ | | الكاتب: جفاا | | المصدر: شبكة بني عبس

[مروان الرشيدي]

.


ي سلآم ياجود



كآلعآده

+

رآئعه ومميزه بـ أختياراتك

.


طيب انا عندي سؤال >> لا لا امزح ههههههههههههه

بس تأثرت بالقصيده ^_^

[آلنجم]

صح اللسان الشاعر

[الـريـم]

ابيات رائعه

تسلم يمينك ع النقل

[جفاا]

^^
ممممروآن تسسلم ربي يسسعدكـ
هذآ من ذوقك ي آلرآقي :)

[جفاا]

آلنججم ممنور :)

[جفاا]

آلريــم يسلمكـ ربي ي ذوق
منورهـ :)

[مرتاحه دومز]

راقت لي حييييييل
سلمت اناملك