[احممد الرشيدي]

مسساء الخيرر ، ، ،
عيدكم مبارك .. /
وتعيدونه بالخير انشاءالله
قصيده ورايكم اكيد مهم وانتقادتكم
وعلى ماقيل منكم نستفيد

/


هات الورق بكتب ترى خاطري شين
ماعاد فيني للعنا في سنيني
الموت له يا عالم اليوم دربين
اما الفراق او موتت الله تحيني
لولا المحبه ما غدينا مجانين
ولولا القدر ما تدمع اليوم عيني
ليت الغلا ياتي على الكيف باللين
ليت نتتخير من لهم عاشقيني
ياروح كنتي من المحبه تهابين
ردي لطبعك واهجري وافهميني
ادري تحبينه وبعده مساكين
انتي وضلوع القلب زدتن انيني
لكن هذا الحال ملزوم ترضين
وكلن له المكتوب فوق الجبيني
طبع البدو لا من نخوهم بعيدين
لبوَ وعلو صوتهم حاضريني !
وهي حشى ما كن اهلها عريبين
انا اقرب انسان انتخي وماتليني
من يوم راحت دنيتي مابها زين
ماغير هم بكل صوبن يحديني
يابنت ياللي في خفوقي تسلين
ترى الهوى ماهو لعب ورحميني
ياما نخيتك طالبك لا تروحين
ياما صرخت وقلت لا تهجريني
وانا قبل من قبل لا انتي تقولين
اقول لك لا تطلبين امريني
لاواحسافه واحسافه وثنتين
يا هالحسايف ليت بس تنفعيني
الوجه متقلب ومحمره العين
والشوق هايج و الالم محتويني
يالله تعديها ترى القلب مسكين
مالي سوى ربي عسى الله يعيني
ولولا المحبه ماغدى خاطري شين
ولولا القدر ماتدمع اليوم عيني


سلامتكم

الموضوع الأصلي: لولا المحبه ! | | الكاتب: احممد الرشيدي | | المصدر: شبكة بني عبس

[أثير الشوق]

قصيده جميله وتعابير جدا جميله
صح لسانك ولاهنت

[عايد2001]

صح لسانك قصيده جزله
بيض الله وجهك

[راسبه بالحب]

صح السانك

وكل عام وانت بصحه وسلامه


ابيات مميزه لاعدمنا نزف قلمك