[شاعر الصعاليك]

السلام عليكم /
هذي قصيدة ارتجاليه << على قولة اخو جزعه
هههههه ، قلنا بديوانيه العود ذات مساء
وأتمنى أن تروي ذائقتكم الشعريه

من دون دين الله سيوف ومناشير=ودون الوطن حنا حماة الحدودي
يا طامع ٍ فينا ما حنـا عصافيـر=وقف هنا لا جيت حد السعـودي
حنا حماة الدين يا جاهل الزيـر=نحط في عين المشافيح عـودي
اجيوشنا صفت جموع وطوابيـر=وفي ساعة العسره ما حنا قعودي
حنا عيال اللي على منهج الخير=اهل الشجاعه والوفاء والعهودي
افعالنا يوم المعيشه على البيـر=نارد لو ان الراي ما بـه ورودي
وبساحة الميدان ما به مخاسيـر=ارواحنا ترخص لرمل النفـودي
هذا وطنا ما نبيعه علـى الغيـر=ولا ينتثمن بالذهـب والنقـودي
من يقربه يبشر بنار وزمهريـر=تاكل عظامه واللحم والجلـودي

الموضوع الأصلي: دون الوطن حنا حماة الحدودي | | الكاتب: شاعر الصعاليك | | المصدر: شبكة بني عبس

[عايد2001]

صح لسانك قصيده جزله من شاعر جزل
وتستاهل الختم

[شاعر الصعاليك]

صحت ابدانك اخوي عايد ، والله يبيض وجهك
على ختم الموضوع

[المعزب]

اقتباس من مشاركة شاعر الصعاليك السلام عليكم / هذي قصيدة ارتجاليه << على قولة اخو جزعه هههههه ، قلنا بديوانيه العود ذات مساء وأتمنى أن تروي ذائقتكم الشعريه من دون دين الله سيوف ومناشير=ودون الوطن حنا حماة الحدودي يا طامع ٍ فينا ما حنـا عصافيـر=وقف هنا لا جيت حد السعـودي حنا حماة الدين يا جاهل الزيـر=نحط في عين المشافيح عـودي اجيوشنا صفت جموع وطوابيـر=وفي ساعة العسره ما حنا قعودي حنا عيال اللي على منهج الخير=اهل الشجاعه والوفاء والعهودي افعالنا يوم المعيشه على البيـر=نارد لو ان الراي ما بـه ورودي وبساحة الميدان ما به مخاسيـر=ارواحنا ترخص لرمل النفـودي هذا وطنا ما نبيعه علـى الغيـر=ولا ينتثمن بالذهـب والنقـودي من يقربه يبشر بنار وزمهريـر=تاكل عظامه واللحم والجلـودي

رثع الله فيها ياشاعر الصعاليك اثريني مالوم العمده هههههه

التعليق بدون اقتباس افضل

[المعزب]

هذا وهي ارتجاليه على قولتك ماشأالله عليك

بيوتك جزله والوطن يستاهل اكثر ياشاعر الصعاليك

صح السانك

[شاعر الصعاليك]

اقتباس من مشاركة المعزب هذا وهي ارتجاليه على قولتك ماشأالله عليك بيوتك جزله والوطن يستاهل اكثر ياشاعر الصعاليك صح السانك

يا معزب الضيفان اررحب ملايين ، والظاهر تعليمك
انت وعمي سوا هههههههههههه
وحضورك وتعليقك شرف لي ، واكيد الوطن في
عين كل شخص بمكانه لا تتبدل ولا تتغير

وصحت ابدانك ، وشاكر لك مرورك

[أخـو جـزعـة]

الله عليك الله عليك

لزوم احط الك تعويذه عند باب الديوان عن العين هههههههه

صح السانك يا شاعر الصعاليك صح السانك

[أثير الشوق]

صح لسانك مدد ولاهنت عالقصيده الاكثر من رائعه