[سعد الفلاح]

أبوناصر

اليل طرف وبن عمار ماجـــــــــود = اللي مقاييس السطى من زناده
وش رايكم في حملتآ قادها عود =عودآ يدور من ســـــــــنه للقياده

سلمان ابن عمار

الليل طرف وانت حاضر ومفقود=بالموقف اللي يطلع أهل السيادة
وش رايكم في فارسٍ ماله جهود=يباري الحملة وينسى عتاده

أبوناصر

عز الله أني عارف النقص والزود =والنقص ياسلمان غير الزياده
الفارس اللي لاغزا ياخذ الذود =تموت مانـــت منزله من شداده

سلمان ابن عمار

[/B][/COLOR][/QUOTE]

لو كنت تعرفها مايلحقك منقود=مير الجهل طشك بحضن النقادة
وشلون تغزي وانت مامعك بالود=غزوة بلا (بالود) يعني (بلادة)

أبوناصر

ماني بجاهل وأعرف البيض وسود .=مير أنتبه لشويك شوي الجراده
غازيك قـبـل الـعـام يـامـدور الـــفود .= في ديرتك لاكــــن خل المراده

سلمان ابن عمار

يابو جرادة مانت بالعين موجود=ارتاح واحفر عن عروق العرادة
غزيتني في ملح ولا ببارود=الله يستر منك ياأحمد حماده

أبوناصر

أقدر أغث أكبود وسمح أكـــبـود = في ماقفآ يصعب عليك أرتياده
أثرك سحابة صيف لابرق لارعود =روح عسا دنيـاك خير وسعاده

سلمان ابن عمار

بالهرج تقدر مانت بالعلم مجحود=ولا الفعل..كبر تحتك الوسادة
لاعاد تدحم وانت ماعندك عضود=خلك على هونك ومشيك ركادة

أبوناصر

يشهد لي التاريخ والعمر محصود = لاكن بن عمار قرب حصاده
أدحمك وشيلك وقطك على العود = كانك تدور للقشر والقراده

الموضوع الأصلي: تنسيق محاورة أبوناصر وسلمان بن عمار | | الكاتب: سعد الفلاح | | المصدر: شبكة بني عبس

[منصور بن صبح]

مشكور ياالزعيم على التنسيق والله لايهينك

[أنكسارحلم]

محاوره جميله بين شاعرين عملاقين

شكرا ياسعد الفلاح على التنسيق

[عبدالباري عبدالعزيز]

محاورة نادرة
ابو ناصر هذا فسقان ههههههههههههه

[سعد الشقل]

محاوره رائعه

لاهنت على التنسيق يالزميل

وصح اللسان الداهيه ابن عمار وابو ناصر

[مفسر الاحلام]

بيض الله وجهك محاوره قويه وجميله

[برق الوسم]

محاوره رائعه

[مفسر الاحلام]

محاورعجبتنىه ا