[بيطار الشعر]

السلام عليكم ورحمة الله وبركاته



بناءً على طلب عنتر زمانه بتنسيق هذه المحاورة تم التنسيق






البيطار
مرحبا يالسيف من هاجس(ن) غير الهجوس=عـــد مـــادارت سـنـيــن الــدهــر بفـصـولـهـا
مـــن خلـقـنـا الله وحـنــا عـزيـزيـن الـنـفـوس=قـالـهــا مـســاعــد ربــيـــع وانـــــا بـاقـولـهــا



السيف القاطع
ياعسئ فيك البقئ عد ما تعد الفلوس=والعلـوم الوافـيـه حـاضـرن مرسولـهـا
صدت الجاهل غنيمه يـروس اولايـروس=القلـوب السـود نـعـرف نـويـا افعولـهـا


البيطار
الوفاء من طبعنا وانت الك معنا جلوس=والـرديــه كـــان ماجـبـتـهـا مانـقـولـهـا
والله ان اقلوبنـا طيبـه مـاهـي نـجـوس=مـيـر راع الكـبـر للمـرجـلـه مايطـولـهـا

السيف القاطع
لاتـدور فـي بلـد عبـس يـا الطيـب عـروس=الــرمــد بعـيـونـهـا والـكـســر بـرجـولـهــا
شن غارات المشا كل مثل حرب البسوس=ضيق اصدور البشر ليـن تنسـئ اعقولهـا


البيطار

علمك اللي قلت هذا الزمن صار امحسوس=الـعـرب صــارو كـمـا الـلـي بيـدهـا انعـولـهـا

من تحاقرنـا يبـى ايـداس قـدم النـاس دوس=ليـن بـعـض الـنـاس مــن هالـوجـود انزولـهـا




السيف القاطع

اطلق افكار المعاني وفكر يا محبوس=لاتفتش با العرب وانت ما انت ابحولها

ليلة اليلـه قرينـا كتـاب امـن الـدروس=ولاوادم نـعــرف ابطـالـهـا وحثـولـهـا

البيطار

نحـمـد الله دينـنـا مـاهـو ابـديــن الـمـجـوس=الـشـريـعـه نـهـجـنـا ماجـهـلـنـا اوصـولــهــا
من يشوف انه وصل للسماء ابخط امعكوس=الـنـجـوم الـلــي عـلــى غــاربــه يـاهـولـهـا



السيف القاطع

التاسامح والوفا دايمن فينا مغروس=والقضيـه مـن وفانـا تزيـن احلولهـا

الحيا يذكر ولاخبار بصدور العسوس=والمخيله فوق غيرك نثر هملولها

البيطار

المـعـارك مابـهـا غـيـر تقلـيـع الـضــروس=وانـت مـن قـومً تـصـول الـعـرب بصقولـهـا
بارقه من فوق بعض العرب جاهم يهوس=يكفـي اللـي علهـم لـيـن يـأتـي حولـهـا


السيف القاطع


انت فصلـت الملابـس وزينـت اللبـوس=والعيون السود تنظـر الجـرت فولهـا

الدلال اتفوح والبن با الجمر امحموس=وابن عم الغطرسـه لا تمـر اخيولهـا




وتقبلو تحياتي

الموضوع الأصلي: محاورة الاسبوع بين (( البيطار + السيف القاطع)) | | الكاتب: بيطار الشعر | | المصدر: شبكة بني عبس

[شلاش]

محاورة قمة الابداع
يعطيكم الله العافيه

[أبو عيسى]

وعليكم السلام ورحمة الله وبركاته

حياك الله يالشاعر البيطار الحقيقه محاوره قيمه فيها إبداع رائع..

[بيطار الشعر]

اقتباس من مشاركة شلاش محاورة قمة الابداع يعطيكم الله العافيه

الله يعافيك ياشلاش

[بيطار الشعر]

اقتباس من مشاركة أبو عيسى وعليكم السلام ورحمة الله وبركاته حياك الله يالشاعر البيطار الحقيقه محاوره قيمه فيها إبداع رائع..

ابو عيسى

الله يحييك ويبارك فيك وشرفني مرورك