[عوده المضلعاني]

بسم الله الرحمن الرحيم
هذه القصيدة موجهه لقبائل بني رشيد وهي شكر وعد ثناء وطلب العفو من الله ثم منــهم فـي اعفاء رقبة والله المستعان

ياراكب اللي شاشته توها اصفار = اصفار غير اصفارنا مستديره
الجيم له رمزٍ وعلامات واشعار = صنع الجميح مواصفات الجزيره
عليه قرمٍ للمهمات مختار = مفولذنٍ ما ينثني في مسيره
عده لبيتٍ مقدم البن وابهار = شيخٍ تقدم للعلوم الكبيره
جته ضيوف ألوف من كل الاقطار = حضة يذعذع للوجوه السفيرة
من طلعته للطيب راعي ودوار = متعود لكسب العلوم النديره
قعيد القعبوب والنعم مليار = ومليار نعمٍ لابته والعشيره
مهي غريبة من طويلين الاشبار = اقلهم للضيف يذبح بعيره
بنى رشيد الى هبا كل ثرثار = احفاد عبس معلقين الشعيره
عدوهم يسقوه من كاس الامرار = لو طال هوشه ينتهى بالكسيره
بالسيف ابو حدين قصاف الاعمار = تسكر على ذف السيوف وهديره
معقلين الذود في يوم الاخطار = الموت دون البل ينادي نذيره
طراحت المشهور والدم نثار = اهل الشيم تجير من يستجيره
ما ينصخى للموت ميهون لثار = ريف النشاما بالسنين العسيرة
المضلعاني ثارها عبر الاقمار = يقصد بها اللي كل نخوة تثيره
تكفى يابن براك يا نسل الاحرار = ياخلفت اللي له مواقف جديره
صوته على صم الرمك موت واذعار = تاطى شخانيب الرضم مستذيره
تكفى يبن سمره علينا الدهر جار = تكفي يبن سمره زبون المغيره
ياخلفت اللي له تواريخ واذكار = مشهود له بين الثمد والحفيره
يامرحب تكفى ما يفيدنْ الاعذار = انته لها زيزوم قوم وزيره
ياخلفت اللي ينطح الجمع لاغار = كم سابقٍ من ضرب كفه جميره
يارخي تكفى انخاك يانسل الابرار = غيث الكبود اللي تكازي سعيره
ابوه جافى النوم من كثر الافكار = خاوى النجوم الساريات الشهيرة
امه تحرى العلم مع كل بشار = الله بالجنة يبشر بشيرة
العفو من هدي الصحابة والانصار = ادخل على الله واعفله واستخيره
لاتــــقابل الله وانــــــــت قاســــي وجــــــبار = نفــــــوســـنا للـــــي خـــــلقها فــــقــــــــيره
يجزاك رب الكون جنات انهار=في جنة الفردوس وش عاد غيره
لاتفوتوا دعواتنا بعد الافطار = دعوات مخلص نابضة من ضميره
البيض ياهل البيض في مد الانظار = متلايم اللي دروبها مستحيره
ماهي لكم عادات مهي لكم كار = ذبح اليسير اللي تلوى جريره
وصلوا على احمد وأكثروا سر واجهار = الصادق المعصوم نور البصيرة

القائل عوده مطلق المضلعاني العطوي

الـــــــتــــــاريخ: 23/1/1435 هـ

الموضوع الأصلي: قصيدة عوده المضلعاني لقبيلة بني رشيد | | الكاتب: عوده المضلعاني | | المصدر: شبكة بني عبس

[عقيل الرشيدي]

اللهم صل على محمد وعلى ال محمد
وماعليكم زود والنعم بك وبربعك
وامراء وشيوخ بني رشيد من وصلهم يبشر بسعده ان شاءالله
والله يكتب اللي فيه خير