[عبدالعزيز الخياري]

السلام عليكم ورحمة الله وبركاته

يا داعي الشوق يوم انك تنادينا = باسم قديم الغلا والبحر و الدانه
ارجوك فينا من الذكرى ما يكفينا = نسيت نفسي و حبه صعب نسيانه
شف رسمنا اللي تعبث فيه ايادينا = لوحه تعبر عن حروفي بوجدانه
كان الامل.. يفتح الابواب لاجينا = وامشي على الهون واقطف ورد بستانه
يازين هاك النهار انور ليالينا = ويا زين ورده وياسمينه و ريحانه
هنا..ضحكنا وسولفنا.. وغنينا = وهناك.. يوم الحنايا منه رويانه
مع سجة الوقت..روحنا وسجينا = والوقت يمضي بنا وندور ميدانه
عدنا.. على وعدنا وماعاد يمدينا = اليوم طار الحمام.. وهاجر اغصانه
خل الاماني وذكرانا تسلينا = خل الهوى لا تكلم ينطق لسانه
شف كيف رحنا وخانتنا هقاوينا = وشف بحرنا وين لولوه و مرجانه
وشف قصرنا اللي بناه احساس ماضينا = مهجور.. تطرق هبوب الريح بيبانه

محبكم /
عبدالعزيز دحيم الخياري

الموضوع الأصلي: إحساس ماضي و قصر مهجور! | | الكاتب: عبدالعزيز الخياري | | المصدر: شبكة بني عبس

[سيف المهيمزي]

هلابك شاعرنا النجم حضورك بيننا اكبر شرف لنا صح لسانك على هذه القصيده الجزله الذي لا يكتبها الا شاعر مثلك وشرواك ايها المبدع شعرك وحضورك الجزل يشكل لنا الاعتزاز والفخر بك ايها الشاعر المتميز في مفرداتك ولك من بياض الوجه ووفقك الله لما يحبه ويرضاه

دمت بخير

سيف المهيمزي

[عبدالعزيز الخياري]

اقتباس من مشاركة سيف المهيمزي هلابك شاعرنا النجم حضورك بيننا اكبر شرف لنا صح لسانك على هذه القصيده الجزله الذي لا يكتبها الا شاعر مثلك وشرواك ايها المبدع شعرك وحضورك الجزل يشكل لنا الاعتزاز والفخر بك ايها الشاعر المتميز في مفرداتك ولك من بياض الوجه ووفقك الله لما يحبه ويرضاه دمت بخير سيف المهيمزي

سيف المهميزي حياك الله والفخر لي بوجودي بينكم وشاكرك على مرورك
وفقك الله

[زايد بن عدله]

شف قصرنا اللي بناه احساس ماضينا** مهجور تطرق هبوب الريح بيبانه
الله الله
ياشبل عبس مبدع دايماً
وكما قيل هذا الشبل من ذاك الاسد

[اخو عبده]

صح لسانك وبيض الله وجهك ياشبل عبس
قصيده رايعه من شاعر رايع
لكن ممكن طلب بسيط اذا ممكن

[الفيلسوووف]

صح لسانك لاكن بيوت عاديه واقتباسات

[بعيدالمصابيح]

صح لسانك اخي العزيز
قصيده جزله من شاعر جزل
لاهنت

[ولد الشرقية]

قمممممممة الذوق
وصح لسانك ياشاعرنا.