[المقوعي]

الغدر مذموم حتى وان كان من الاعداء . . . فكيف ان غدر بك الاصدقاء؟ . . .! ! !

قصيدة كتبتها عن واقع تجربة ارجو ان تنال اعجابكم واستحسانكم.

يامل قلـب(ن) ذاق غـدر الصداقـة=كاس الصداقة تالي الوقـت مسمـوم
خانوا بـه الاصحـاب والكـل باقـه=باعوه بارخص قيمة(ن) بأول السـوم
غافـل ويهديهـم مـن الـورد باقـة=وصار الجزا منهم سكاكيـن وسهـوم
إليا حضـر يبـدون حسـن العلاقـة=وان غاب حطوا به عذاريـب وعلـوم
طاعوا كـلام اللـي علومـه ادقاقـة=اللي من الطولات والطيـب محـروم
الناقـص اللـي مايخـلـي نفـاقـه=نذل ونصيبه مع هل الصـدق معـدوم
سافل حقيـر وكـاس الاحقـاد ذاقـه=بوم ومرده يـا عـرب ماكـر البـوم
الصف يسعـى جاهـد(ن) لإنشقاقـه=(ما يفسد الساحر سنه يفسـده يـوم)
وامثـال هـذا انـا سبـب لإحتراقـه=من فضل ربي معتلـي دايـم الـدوم
ماني وانا ابن عبـس قطـاع ساقـة=ولاني على شذب العراقيـب ملـزوم
ولالي مع اصحاب الدسايـس إلحاقـة=وعن كل عيب(ن) يذرب الرجل محشوم
ولاني مـن اللـي يغـدرون الرفاقـة=يشهد لي الصاحب وتشهد لي القـوم
في دمي الخوة لهـا اصـل وعراقـة=(خوة رشيدي) ذا مثل صـار معلـوم
ويا سيفي اللي فـوق متنـي علاقـه=لا وخسارة صرت يا السيـف مثلـوم
طعم الصداقة صـار مـر(ن) مذاقـه=وكاس الصداقة تالي الوقـت مسمـوم

اخوكم الشاعر/ سعد المقوعي

الموضوع الأصلي: غدر الصداقة! ! ! | | الكاتب: المقوعي | | المصدر: شبكة بني عبس

[عايض بن صالح]

الياحضريبدون حسن العلاقه = وان غاب حطوبه عذاريب وعلوم

قصيده جزله من شاعر جزل

لاهنت ياسعد المقوعي

تقبل تحياتي

[سعد الشقل]

صح اللسانكـ يا سعد المقوعي

قصيده جزله من شاعر جزل

لا تحرمنا من جديدكـ..//

[ام جوانا]

صح لسانك

[مرزوق العجوني]

صح لسانك مليوووون ياسعد ولا هنت على الرائعه

[المقوعي]

اقتباس من مشاركة ابوصالح الشويلعي الياحضريبدون حسن العلاقه = وان غاب حطوبه عذاريب وعلوم قصيده جزله من شاعر جزل لاهنت ياسعد المقوعي تقبل تحياتي

صح بدنك يا ابو صالح


شرفتنا بمرورك واسعدتنا بحضورك


لاهنت يا السنافي

[خليف الوهيداني]

اقتباس من مشاركة المقوعي الغدر مذموم حتى وان كان من الاعداء . . . فكيف ان غدر بك الاصدقاء؟ . . .! ! ! قصيدة كتبتها عن واقع تجربة ارجو ان تنال اعجابكم واستحسانكم. يامل قلـب(ن) ذاق غـدر الصداقـة=كاس الصداقة تالي الوقـت مسمـوم خانوا بـه الاصحـاب والكـل باقـه=باعوه بارخص قيمة(ن) بأول السـوم غافـل ويهديهـم مـن الـورد باقـة=وصار الجزا منهم سكاكيـن وسهـوم إليا حضـر يبـدون حسـن العلاقـة=وان غاب حطوا به عذاريـب وعلـوم طاعوا كـلام اللـي علومـه ادقاقـة=اللي من الطولات والطيـب محـروم الناقـص اللـي مايخـلـي نفـاقـه=نذل ونصيبه مع هل الصـدق معـدوم سافل حقيـر وكـاس الاحقـاد ذاقـه=بوم ومرده يـا عـرب ماكـر البـوم الصف يسعـى جاهـد(ن) لإنشقاقـه=(ما يفسد الساحر سنه يفسـده يـوم) وامثـال هـذا انـا سبـب لإحتراقـه=من فضل ربي معتلـي دايـم الـدوم ماني وانا ابن عبـس قطـاع ساقـة=ولاني على شذب العراقيـب ملـزوم ولالي مع اصحاب الدسايـس إلحاقـة=وعن كل عيب(ن) يذرب الرجل محشوم ولاني مـن اللـي يغـدرون الرفاقـة=يشهد لي الصاحب وتشهد لي القـوم في دمي الخوة لهـا اصـل وعراقـة=(خوة رشيدي) ذا مثل صـار معلـوم ويا سيفي اللي فـوق متنـي علاقـه=لا وخسارة صرت يا السيـف مثلـوم طعم الصداقة صـار مـر(ن) مذاقـه=وكاس الصداقة تالي الوقـت مسمـوم اخوكم الشاعر/ سعد المقوعي

الله الله

هنا الشعر اللي له ثمره

هنا الشاعر المتمكن وهنا استاذ الشعر سعد

هنا ليس للمجامل مكان امام شاعر تشهد على شاعريته حروف الشعر الجزل والتي تجبر القاري على الانسجام معها

سعد انت شاعر وعلم شعر وبيض الله وجهك على كل قصايدك

الجزله والشامخه وانا متابع كل ماتكتبه وهنا جبرتني على الدخول والرد

وانا مشغول
مقتبسه من اول حرف لي اخر حرف


لك احترامي

[شيطان الشعر]

صح الله لسانك
لله درك
تقبل مرورى