[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاورة بين الشاعر المحيط الاطلسي والشاعر شاعر الوطن


المحيط الاطلسي

ناصـر خنيفـر و الهـوا شـرقـاوي=والعله الصرما تحك اجنوبه
والله لتبـطـي مالقـيـت امـــداوي=مير اطلب الله يرزقك بالتوبه

شاعر الوطن

ناصر خنيفر ياعميلي هـاوي=ومقدمن له ثوب ماهو ثوبه
شاعر وطن يالمفتي الطنطاوي=بنا بيوت الشعر طوبه طوبه

المحيط الاطلسي

ناصر خنيفر كان صح الراوي=سنام الامر وحضرتك عرقوبه
شاعر وطن برياسة الزرقاوي=محدٍ يوجه نبض قلبه صوبه

شاعر الوطن

ماهمني قرد (ن) يقوم ايصاوي=هاك الشعيب اثنينكم فلوبه
شاعر وطن يرجم بليس الغاوي=ومن الهلع اثيابكم مقلوبه

الحيط الاطلسي

القرد وجه الشاعر الدهـلاوي=وجه الرغوث الحاين المحلوبه
ان طحت حاول تنبطح متساوي=ماتحلب الناقه وهي مغصوبه

شاعر الوطن

يعني مثل وجهك يا ورع الشاوي=اصبحت في يدي كما لعبوبه
اشوف تال الوقت شي (ن )داوي=وأثر الفتن صارت سبب رعبوبه

المحيط الاطلسي

المشكله لاطحتلـي برغـاوي=اعيره ويردلي عذروبه
والذيب في درب المطيه عاوي=والقربه اللي ضمته منكوبه

شاعر الوطن

ابنشدك يـا شيـخ يـا مكـاوي=لو دلتك فنجالها مشروبه
اهل الحسا مـا تاكـل العكـاوي=وفالشهر الاول عمهم ضحوبه

المحيط الاطلسي

الروقي ادرى وش بلا البرقاوي=وانا ادري بدلتكم المصبوبه
والعود الازرق مايسمى جاوي=والخاتم المنقوش للمخطوبه

شاعر الوطن

ما قلتلك يا شيخ يـا كهكـاوي=ان الشعر ماتفقهون اسلوبه
والثانيه وش علم نجم(ن) هاوي=هز العرب هزه ماهي مرغوبه

المحيط الاطلسي

اعليت من طيحتك ياعـلاوي=الطيحه اللي بالزلق محسوبه
هذاك سبة شحـك الظلمـاوي=يوم ان فزعات العرب مطلوبه

شاعر الوطن

العقل عقل (ن) يالمسمـى خـاوي=الله خلقني للغشيم اعقوبه
ترا الحمر مـا يشبـه الحنطـاوي=وراحت علومك ياولد مضروبه

الموضوع الأصلي: المحيط الاطلسي + شاعر الوطن | | الكاتب: العالم الفلكي | | المصدر: شبكة بني عبس

[الشبح]

محاوره قويه صح اللسان الشعار

[المحيط الأطلسي]

الله لايهينك يالعالم الفلكي على التنسيق
اشكرك كل الشكر

[الاشقر]

صح اللسانكم هذي المحاورات الي بلا بلاش

[العالم الفلكي]

اقتباس من مشاركة الشبح محاوره قويه صح اللسان الشعار

مشكور على المرور والتعليق

[العالم الفلكي]

اقتباس من مشاركة المحيط الأطلسي الله لايهينك يالعالم الفلكي على التنسيق اشكرك كل الشكر

لاهنت ومشكور على المرور والتعليق

[الحر النداوي]

محاوره من أجمل المحاورات صحت ألسنت الشعار

الله لايهينك يالعالم الفلكي عل التنسيق

[شاعر الوطن]

اشكر العالم الفلكي على التنسق والله لا يهينه وبيض الله وجهه

وشكرا على التعليق للجميع