[سعود العبسي]

بسم الله الرحمن الرحيم

لاخوة الاعزاء في منتديات شبكة بني رشيد المحترمين
السلام عليكم ورحمة الله وبركاته وبعد
يسرني ويسعدني أن أكتب عن حياة والدي الشيخ القدير/ فالح بن مفلح بن
عزر بن بدوي بن عامر أبا الخير المظيبري الرشيدي أمير بلدة الجرارية الشمالية في أبانات والذي توفي في الثاني من رمضان سنة 1400 هجري عن عمر يناهز خمسة وتسعون عاما (95 سنة) تقريبا الله يرحمه ويغفرله ذنوبه ويسكنه فسيح جناته أهو وجميع أموات المسلمين أمين يارب العالمين0
وقصصه كثيرة وجديرة بالذكر حيث عاش في زمن الشدة وبعض الغزوات التي حدثت على المظابره في ذلك العصر,ومن أهمها معركة الفنيدة وما بعدها إلى معركة واد الرمة المشهورة ضد ابن رشيد ,وقتله لقاتل خليف الصليلي (أخذ ثاره من قاتله) وفي عهد الدولة السعودية تزعم الدفاع عن المرموثة ضد ابن حمد العتيبي والتي تسماء هوشة ابن حمد , وله دور فعال في حل بعض المشاكل التي حدثت بين الجماعة بسبب الاراضي ومسميات القراء والهجروقد عرف ذلك عنه في محكمة أبانات من كثرة تردد أسمه في أوراق الصلح التي كتبت بسمه في ذلك الوقت , وقد سأل قاضي محكمة أبانات الموظفين بالمحكمة : منهو فالح بن بدوي ؟ قالوا : هذا جد زميلنا الاخ محمد بن فليح بن بدوي , قال القاضي : إذن يعين محمد بن فليح في لجنة هئية النظر في منازعات الاراضي والتوسط بين الخصماء لحل الاشكال قبل الرجوع إلى الحكم الشرعي من قبل المحكمة مثل ماكان يفعل جده ابن بدوي ولهذا السبب عين محمد في هذا المنصب من قبل القاضي0
وهو شاعرالله يرحمه وله عدة قصائد قالها في عدة مناسبات من أهمها قصيدته في معركة الفنيدة وهي طويله بس ضاع أكثرها وعند ما رحلوا المظابره إلى الشمال والاخيرة عند ما تقدم فيه السن وصعب عليه تدبير بعض أموره بسبب الكبر والضعف بالنظر, وسوف أكتب عن كل قصصه إنشاء الله تعالى0

قال في معركة الفنيدة قصيدة :طويله ما أعرف مها إلا أربعة بيوت يقول:

ياذيب ياللي بالنويع تويقي =صوت لذيبن في عمودان ينصاك
وذيبن قنب بالدوسري مستفيقي =سلم عليه وباللغه كان موحاك
عيال هادي مرهم بالطريقي =والشيخ ابو قرنين يدم به قراك
اللي حضرهم من ربوعي فريقي =وإلا زحام الحرب ياذيب ماجاك

وهذه قصيدة طويلة قالها في المظابره عند ما رحلوا في حلالهم من أبانات إلى الشمال حول جبال سلمى و قال القصيدة الاولى:

ياراكبن حرن معفيه راعيه =مضمون يرجاء في ليال الهدادي
هاذي تحيل له وهاذي تراجيه =ودروب عيرات اللضى له جدادي
ألياعطا الزيزاوربي مقديه =يشدي ضليمن جافلن مع حمادي
عليه منا اللي مع الدرب يعطيه =مافوقه إلا الميركه والشدادي
يلفي لمن أقبل يهلي براعيه =اللي بيوته للخلاوي تنادي
حماد(1) ريف اللي من البعد ناصيه =لاعل عمره مايجيه النفادي
صينيته تلقابها العصب يرميه =يحط فيها من كبار النوادي
وابومفيلح جعل ربي ينجيه =كم جادلن عقب بجيبه بيادي

قدت جديد الثوب مابرقت فيه =عشيرها حامت عليه الحنادي
من سؤ نقريزن بكفه مقديه =ينخونه الظفران يوم الجهادي
يلحق ربوعن شوفهم مشفين فيه =أتلى العهد فيهم ليال العيادي
يوم نتحا المظهوروالمال يتليه =يشدي لركبن للجانيب عادي
قفوا لبراقن عيوني تراعيه =تلقى الزبيدي فيه كبر الهوادي
وليا لفيت نزولهم لاتعديه =قدام بيت حمود(3) وط الشدادي
يذبح لهم كبشن من الضان يشريه =وإلا يجيبه من مراحه يقادي
سلم عليه وبلغ اللي حوا ليه =كل الجماعه خصهم بالعدادي
حطاطة المنسف وحذف الشحم فيه=ويوم الملاقاء سؤ اللي معادي
وعده لبو عامر(4) لزومن تعنيه=بيته على عسر الليالي يرادي
سلم عليه وباللغه حين تاتيه =سلامن أحلى من لقيط الجدادي
وحلى من السكر ليا حط شاهيه =مع ضف بن وشاعثينه زبادي
وقله ترى منزالنا مانخليه =على بيارن فيهن الجم زادي
ونثر الحب الحمر في نواحيه =ونسقي ونرج الله ولي العبادي
وترى الهجر بعض العرب مايدانيه =وهي فعول معيلين الطراديه
واللي يبون أبان حنا لهم فيه =هذا نهليبه وهذا سنادي
ويا الله من نون يجي من مناشيه =على صدوق الغيث يزي بلادي
همال مزنن مايجينا الضرر فيه =من غب سيله يخضرن الردادي
وصلاة ربي عد حرفن كتب فيه =على رسولن للمخاليق هادي

والقصيدة أطول من ذلك0

1- حماد هو الشيخ /حماد بن زياد بن حماد بن بدوي (أمير أبان الاسمر في زمانه لكن ضيعوا أمارته أبناه بعد وفاته )0
2- عزر هو الشيخ/ عزر بن مفلح بن عزر بن بدوي (عقيد معركة الفنيدة المشهورة بين المظابره ومطير )0
3- حمود هوالشيخ /حمود بن زياد بن حماد بن بدوي 0
4- ابو عامر هو / الشيخ ابن رديفان من أهل عقلة الردافين في أبانات0
5- الزيزا : الارض المنبسطه 0
6- الهوادي : الحصى الذي يوضع عليه قدر الطبخ0
7- نقريز : الرصاص0
8- لقيط الجدادي :رطب التمر0

وسلامتكم

الموضوع الأصلي: قصيده الشيخ فالح بن بدوي في معركة الفنيدة | | الكاتب: سعود العبسي | | المصدر: شبكة بني عبس

[عبس404]

بيض الله وجهك يا ابن بدوي على ماذكرت عن

الشيخ فالح رحمه الله اثريتنا بهذي المعلومات

الله يعطيك العافيه في انتظار المزيد

من مواضعيك الشيقه وشكرا لك

[سالم الرشيدي]

وعليكم الســلأام ورحمة الله وبــركـأته
الله يرحمه يآآرب
وتسلم على القصــأئد والنبذه

[طلال محمد ناهس]

وعليكم الســلأام ورحمة الله وبــركـأته
الله يرحمه يآآرب
وتسلم على القصــأئد والنبذه

[شداد المظيبري]

ونعم بالشيخ ابن بدوي وربعي اهل ابانات

ماقصرت مبروك ابن بدوي على بحثك لقصائد الشهير " فالح ابن بدوي

تحياتي لك

[راعي ريمه]

بيض الله وجهك يابن بدوي
على سرد هذه القصة والقصيدةعن الشيخ فالح بن بدوي رحمه الله لك جزيل الشكر على هذا المجهود الطيب عن الموروث والقصص والقصائد لمن لهم بصمة على مر التاريخ وبانتظار جديدك
تقبل تحياتي وتقديري

[حــزام]

معلومات ثريه عن الفارس والشيخ والعقيد فالح بن بدوي

لاهنت يا مبروك على هالمعلومات

والله يرحم والدك ويجمعنا فيه انا وياك وكل مسلم في جنته

[هذيان]

قصيدة رائعه ومعلومات نحتاجها ..
شكراا على الطرح !