[سعد الفلاح]

الـسـلام عليكم ورحمة الله وبركاته

أنقل لكم المحاورة التي جرت بين الشاعر _النازي_ والشاعر الأجهر

وأتمنى أن تحوز على رضاكم

النازي

يامرحبا ترحيب(ن)تصفق كفوف(ن)في كفوف= من هاجسن يبلش بها منهو نوا فـي هدهـا
يجعل شمسك ياوسيع العرف ماجاها كسوف= تـردهـا يصاحـبـي ولاتــرى بـردهـا

الأجهر

الله يسقى دارنا ويسقي طواريـف الهفـوف= قضيت فيهـا لليلـه(ن) والله مابيـح سدهـا
عطني علومك ياوسيع العرف والطايف يطوف=والسلعـة الـى تنشـرى اقولـك لاتحدهـا

النازي

الأوله طافت ترى وانا أحسبنهـا ماتطـووف=الله يسمح طرقتـي يـوم السيـوف أحدهـا
أبنشدك يوم العرب من بين حاذف ومحـذوف=وش قصة ألي ماأعرف مزح العرب من جدها

الأجهر

الله يجيرك ياعميل الخير من كل الظروف= حنا لياجتنا الخطيـة ماعليـك انصدهـا
ذكرتني بيت غناوي عند مقبول معـروف= وان كان طال الشرح والله ماتناوش خدها

النازي

حيرتني والسالفه ماهي على راسك تحوف=مدري تبا جزر البحر ولاتبي مـن مدهـا
راسك ترى ياصاحبي مايثبت بليا كتـوف=الله يسلـم نسلهـا والله يعافـي جدهـا

الأجهر

يامسندي لاتبتلـش حنـا نسويلـك ظـروف=انا اقطع الحمه وانتـه فـي يديـك تشدهـا
انا معرف الا هنوف (ن) مالها عندي وصوف=يالله تجملنـي معاهـا وافتخـر فـي ودهـا

النازي

سلم على دار الجحش وياك لاتنسى معيوف=هاذي رساله والرساله في يدينـك مدهـا
حنا خلصنا منكم وناس للمنعـى تشـووف=الله يدسم شاربك يومـك عرفـت اتعدهـا

الأجهر

ماهمني زرق الرماح ولا الذياب الى تحوف=ان قلت يلعن خالهـا قلتلـك يلعـن جدهـا
وانا الوفاء طبعي ولاهو عند غدار مخلوف= وترب غلاما" لاوقع فـي النايبـه ماسدهـا

الموضوع الأصلي: محاورة النازي × والأجهر | | الكاتب: سعد الفلاح | | المصدر: شبكة بني عبس

[عبدالباري عبدالعزيز]

صراحة محاورة قوية ،صح الله ألسنتكم الأجهر والنازي هتلررررررررررررر
مشكور أخي سعد الفلاح على التنسيق

[سعد الشقل]

يعطيك العافيه يا زميلي سعد الفلاح على التنسيق الرائع

وصح اللسان عميد المراقبين والنازي

محاوره جزله ورائعه

[أنكسارحلم]

صح لسان الشاعر الاجهر والشاعر النازي
عزالله انها محاوره رائعه جدا
بيض الله وجيهم على هذا النقض والفتل

تقديري

[سعد الفلاح]

اقتباس من مشاركة عبدالباري عبدالعزيز صراحة محاورة قوية ،صح الله ألسنتكم الأجهر والنازي هتلررررررررررررر مشكور أخي سعد الفلاح على التنسيق

شكرا لك اخي الكريم على المرور ولاهنت

[عبد العزيز]

محاوره جميله صح لسان الشعراء

والله يعطيك العافيه ياسعد على التنسيق الرائع

[ناصر خنيفر]

هب يانازي ذا ياعني النازي من مخلفات هتلر والله شاعر قوي الاجهر بيض الله وجهك سعد مشكور على التنسيق

[عبدالله المهيمزي]

صح لسان الشاعر الاجهر والشاعر النازي
عزالله انها محاوره رائعه جدا
بيض الله وجيهم على هذا النقض والفتل