[مطلوب تغيير اسمه]

الشهره اللي وراهـا النـاس منجرفـه = ماهوب اكبر طموحي مصافـح ايديهـا

مانيـب جاهـل بهـا انكانهـا حرفـه = اعـرف مداخيلهاواعـرف خوافيـهـا

اعرفـك يادربهـا واقـول ماعـرفـه = وان مر طاري لهـا صديـت طاريهـا

الشعر لـولا عيـون الجـادل الترفـه = والله لانسـى القصايـد مـع قوافيهـا

ضيقات صدري كثيره مالهـا صرفـه =من كثرها ماعرفـت شلـون ابحكيهـا

اشيـاء منهـا تبـات النفـس منقرفـه = ياكثـر ماحطمـت نفسـي وامانيـهـا

القدس راحت إناظرهـا مـن الشرفـه = وابن اليهودي يـدوّج فـي ضواحيهـا

وحنا العرب ساكتين اسكـات معترفـه = نشوف بالعين ارض القدس وش فيهـا

والدمعه اللي مـن المسكيـن منذرفـه = ماحركـت شـي بالظالـم معانيـهـا

الجوع .. والبرد .. ومسكن يشبه الغرفه = تقتل احـلام الفقـاره .. قبـل تحييهـا

والناس صارت بجرح الناس محترفـه = يارب ستـرك مـن الدنيـا وبلاويهـا

والحب تطعن بصدقه .. بنت منحرفـه = من كثر ماكذبـت .. تنسـى اساميهـا

وبعض السوالف تغثـك مابهـا طرفـه= تدبـل كبـودٍ تـدور مــن يسليـهـا

مثل البشـر بعضهـم مـاودك تعرفـه = زودٍ علـى ضيقتـك وجهـه يطّريهـا

تحياااتي لكم

ناصر المحيش

الموضوع الأصلي: الشاعر الشاب = ثامر شبيب الرشيدي (روووووووووووعه) | | الكاتب: مطلوب تغيير اسمه | | المصدر: شبكة بني عبس

[صالح مخلف المظيبري]

صح لسانك
ولا هنت تحياتي لك

[سعد المظيبري]

صح لسان شاعر الملقب با نبض عبس ثامر شبيب الدقباسي الرشيدي

ويعطيك العافيه يا ناصر علي النقل الرائع

[مطلوب تغيير اسمه]

حياااااااااااكم الله على ومشكورين مروووووووووووووركم

[فهد بن عبدالله]

صح لسانك
ولا هنت تحياتي لك

[حــزام]

بيض الله وجهك اخوي ناصر المحيش
وصح لسان الشاعر المعروف ثامر شبيب الرشيدي
قصيدة جزله وتثبت نفسها
واسمحلي بتنسيق القصيدة
ولاخلا ولاعدم

[ابن سعيد]

صح لسان الشاعر

ويعطيك العافيه يالذيب

وفقك الله

[عواد العويمرى]

صح لسانك
ولا هنت تحياتي لك