[حمد هديرس الرشيدي]

اعزائي اعضاء وزوار شبكة بني عبس

الــيــكــم هــذهـ الــقــصــيــدهـ

ارجوا ان تنال اعجابكم

لاتصحي روح القصيد بحزة النومه=ولاتبحث الهم خل الهم فـي حالـه
لايسهر المغترب ويسامر نجومـه=خله على نومته لاتزيـد غربالـه
ارجوك لاتشغله وتـزود همومـه=لاتشقي اللي معذب مالـك ومالـه
من المواجع تراه يسطـر علومـه=وان كان قصدك تغني هاك موالـه
يخيل برقٍ يلـوح بعتمـة غيومـه=خياله بعيد المسافه صعب منوالـه
ماهمه المستحيل ولاثنى عزومـه=يساوم العز عـال المجـد يرقالـه
والينجرح من زمانه زادت الشومه=في نفسه اللي تفوق جروحه جبالـه
وفي داخله اسئله ماهـي بمفهومـه=جوابها طـول المسـؤول بجدالـه
ليه البحر في حدوده تاخذه قومـه=وراعيه يشرب شقاه ويحرم زلاله
ليه الكرامه لمال الـذل محكومـه=ليه الشجاعه نقصها العزوابطالـه
ليه البيوت العضيمه مالهـا قومـه=ووصالها بالهوان تشربـك حبالـه
ليه الصحاري بذنب المدن مضلومه=وليه الضبا مارت الرجال بعقالـه
قله اجابه شريفـه مابهـا سومـه=ولاتلحقك شرهة الزعلان واقوالـه
وان كان جازلك مواله ومنضومـه=ياكثر هـمٍ يديـر الفكرفـي بالـه
لون نفسه بعشق المجـد مغرومـه=يموت يومه يشوف عيـون قتالـه
سهوم المنايا بطرف العين مرسومه=لايابعد سلهمة هالرمش وضلالـه
ولوزادهمه بحب الشـوق مالومـه=ماضن غيره بكل الكـون يطرالـه
قله حمد وان تذكر حاربـه نومـه=وانا دخيله لـو التعذيـب يحلالـه
علمـه لايغيـر وقتـه سلـومـه=وبشره بالوصل لو طال ترحالـه
وسلم على اللي تراث الشعريشمومه=ورد التحيـه لجمهـور تغنـالـه
ولتصحي اللي غفى وتضيع حلومه=خله على نومتـه يمكنـه اشوالـه

وسلامتكم

الموضوع الأصلي: روح الــقــصــيـــد للشاعر/ حمد هديرس الرشيدي | | الكاتب: حمد هديرس الرشيدي | | المصدر: شبكة بني عبس

[نــواف العويمري]

صح السانك ياشاعر الجمهور

جزله من شاعرجزل

سجل مروري ومتابعتي لقصايدك
احترامي وتقديري

[بندر الذيابي]

وأنت سالم وغانم ياحمد


صح الله لسانك

قصيده جميله للغايه وتتسم بالواقع

وتعايش معطيات الحياة المختلفه.

نرحب بك بيننا وننتظر جديدك


تحياتي

[مقعد العتيبي]

لون نفسه بعشق المجـد مغرومـه
يموت يومه يشـوف عيـون قتالـه

00000000000

الله الله الله
علييييييييك ياحمد كتبت وابدعت
قصيده شااااااااااااامخه بشموووخ شاعرها;)
تقبل مودتي وسجل اعجاااااااااااابي ومتابعتي
لك خالص الود

[نايف سليمان]

الشاعر حمد هديرس


صح لسانك والله يوفقك وإلى الأمام يالغالي




تقبل تحياتي أخوك


نايف الرشيدي

[ابوفهد العويمري]

صح لسانك اخووووووووووووووووي
حمد الرشيدي
وبض الله وجهك
قصيده من شاعر يستحق التقدير
تقبل تحياااااااااااااتي

[مسندالعويمري]

صح السانك ياشاعر الجمهور

جزله من شاعرجزل

سجل مروري ومتابعتي لقصايدك

احترامي وتقديري

[أبن علي]

ولتصحي اللي غفى وتضيع حلومه
خله على نومتـه يمكنـه اشوالـه

صح لسانك قصيدة رائعة