[عيسى محمد]

قصيده قديمه تعبر عن بمافيها وجدتها بعد ضياعها
------------------------------------------------------------------


مـديـت دربـيـلـي وانابموقعـن ضبس
في راس عيطـآ بالحيـود المنيفه


شرقآ من الضمران مشمل على الملس
ادور المحـبـوب بارضن مخيفه


قـعـتـبـه ساعات مـشـفـي على الرمس
اظـن اطـالـع مـن ظعـنهـم خليفه


مـن عصر هاك اليوم لا غيبت الشمس
ماغـيـر احقـق بالنظرماش شيفه


ونزلت مـن رجـمـي واناخاطري عمس
قال الرجم وش فيك حالك كسيفه


قـلـت اسئـلـك مـنهـو رقا فيك قبل امس
قــال الـمـهـا عـدا وحـالـه كـليفه


يـوم انـت تبـرالـه عـلـى واقــع الهـمس
وهـو يتخـطى والخطاوي خفيفه


قـلـت إيـه هـذا مـن حـبس خافقي حبس
هـذا ربـيــع الـقـلـب هـذاوليـفه


قـال امـس جـاني دمع عينه على خمس
يشكى رحل بالغصب ماهوبكيفه


وقـال سـلـمـلـي عـلـى راعــي الجـمـس
قـلـه دهـرنا حـل من عقب ريفه


وكـظـمـت مـثل اللي مكظـم على ضرس
اشكي افراق اللي عديمآوصيفه


وصـديـت عـن ديـران خـلي بـلا نفس
وقفيت اهوجس وين هاك المنيفه


بديت مـع خـلـي على طـلعـت الخمس
العام يـوم السـيـل يـمـطـرخريفه


وانكفت من رجمي وانا منحمس حمس
لاجـن على قـلبي همومآعنيفه

الموضوع الأصلي: على واقع الهمس | | الكاتب: عيسى محمد | | المصدر: شبكة بني عبس

[الخشف]

صح السااااااااااااااااااااااانك

[عبدالله معزي]

صح لسانك
قصيده جميله
ننتضر المزيد
تحياتي

[هيون]

قـلـت إيـه هـذا مـن حـبس خافقي حبس
هـذا ربـيــع الـقـلـب هـذاوليـفه
ياااااااسلام
صح لسانك
قصيده جميله
بنتظار جديدك

تقبل مروري

[عيسى محمد]

الخشف

صح الله بدنك ملايين

[عيسى محمد]

ابو ري

صح الله بدنك ملايين
والجمال مرورك العطر

[عيسى محمد]

هيون
صح الله بدنك ملايين
والجمال مرورك العطر

[برق الوسم]

شاعرنا عيسى محمد
صح الله لسانك بلاايين
قصيده راائعه .. لاهنت
وتحياتي لك ..