[سـعود المضيـبري]

يامن تجر الصوت والصوت مبحوح=محدن سمع هرجك ولاحدن دراله
ياهيه ماهي زلة السان وتروح= خطاك رزفت عقل زايد هباله
الي على درب الاجاويد ميشوح =مايختلف لو كان مشيه حاله
رست به الخطوه ولاهمه سفوح= وعلى غدير العز يرويه جاله
ومن ولع الجمره على صدره تفوح = تصلى معاليقه وتظهر خباله
على لاهايبها بداء ضلعه يلوح= واظهر حسد سود العيون وسعاله
مايندفن سره ولناس مفضوح= ولايستره عمه وجده وخاله
تخطي عيونه يمت الدرب وتزوح=وعلى طريق اللوم نوخ رحاله
مايلتفت للحمل والحمل مطروح= درهم على درب الهلاك وسعاله
اعمى البصر مايرتدي الثوب مشلوح= واعمى البصيره مالبس من حلاله
الفرق بنفوس البشر واضح وضوح =ولايجتمع طيب العرب بالحثاله
لو كانت متعلي ولك برج وصروح = تبقى تحت جذع النخيل وظلاله
تبقى ورى سور الحكي ترزف النوح=وتنشد ترى ماكان صعبن مناله

سعود بن مسلم المضيبري

الموضوع الأصلي: ســــــــور الحــــكـــي | | الكاتب: سـعود المضيـبري | | المصدر: شبكة بني عبس

[أثير الشوق]

قصيده جميله صح لسانك لاهنت

[سـعود المضيـبري]

حياك ربي اخووووي والف شكر لمرورك العذب

[ابن شلال]

صح لسانك ياسعود

[مذكر الرشيدي]

لو كانت متعلي ولـك بـرج وصـروح

تبقـى تـحـت جــذع النخـيـل وظـلالـه

قصيدة رائعه بماتحمل الكلمة من معنى لله درك على الابداع الشعري والتميز

صح لسانك

[شيختهم]

صح السانك - ابيات رائعه

[سحايب]

قصيده رائعه وحضوردئمنا متميز
صح السانك عدد ومد ،،،،