[حنان الرشيدي]

" بسم الله الرحمن الرحيم "

أسعد الله أوقاتكم برضاه ...


\
حين أراد شاعرنا أن يتجاذب أطراف الشِّعر مع أحدهم ..
انتقى شاعر لا يأتي إلا بالجزل .. لأنه كان متأكداً
أن الانتقاء الجيد لا يتمخض عنه إلا المعنى الراقي ..
لذلك أعتلا منبر الشعر قائلاً " نادوا بعيد الشوح يجمع زاتها "
فردد المكان صدى صوت المُنَادى :
" حـاضـر بعـيـد الـشـوح فــي حـزاتـهـا "

\


العميل السري

سلام مني ياعزيزين الجناب= في قلعة الامجاد يا بعاد النظر
نادو بعيد الشوح يجمع زاتها= والي عقد روس الحبال يحلها
الناس تحكي والصحافه ماتهاب= والعلم ماهو زين لونه بحر
لكن تحيزم للعلوم وهاتها= والي عقد روس الحبال يحلها

بعيد الشوح

يوم انتشى المعنى وجؤ الشعر طـاب=يـامـرحـبـا تـرحـيـبةٍ عز وقدر
حـاضـر بعـيـد الـشـوح فــي حـزاتـهـا= والي عقد روس الحبال يحلها
جبت السؤال وحاضرين اهل الجواب=والعلم بـلإ عـلام قد صيـغ ونـشر
والـبـنـت شـافت وجـهـهـا بمـراتـهـا= والي عقد روس الحبال يحلها

العميل السري

فيك البقاء واول تراها ماتهاب= ومن بعدغاب النجم ماعنها خبر
ومن قبل كل الناس في مخباتها= واللي عقد روس الحبال يحلها
باقي من المجموع مايتم النصاب= وراحت فلول القوم خمسه من عشر
احد ٍيثبتها والاخر شاتها =واللي عقد روس الحبال يحلها

بعيد الشوح

الحرب خدعه والمناحر بالحراب=ولاباقـي الإ وجـه خـلاق البـشـر
والغلطـه الـلـي شالـهـا شماتـهـا= واللي عقد روس الحبال يحلها
لا غاب نجمـاً فيـه نجمـاً مايغـاب=مير البلا من عين انجوم المجـر
ومنهـو يجازيـهـا عـلـى سياتـهـا= واللي عقد روس الحبال يحلها

العميل السري

الامر روح من يدين ابو الشباب= ماعاد فيها لامطير ولامفر
ساعة دخل بالامر من ساداتها= واللي عقد روس الحبال يحلها
اليوم ماباقي ترى بروس الهضاب= من القوم غير اثنين واحد منكسر
وبعض العرب بكره تسوي سواتها= واللي عقد روس الحبال يحلها

بعيد الشوح

انــا هقـيـت الهـقـوه الـلـي مـاتـخـاب=من شـاف نفسـه بالمعـارك مأنتصـر
يستعـطـف المـرهـيـن فـــي مـداتـهـا= واللي عقد روس الحبال يحلها
وبعض العرب كد حملو فوق الركاب=اكـبـر مكاسبـهـم مصايـفـهـم مـصــر
مـاعـاد فـيـهـا غـيــر خـذهــا هـاتـها= واللي عقد روس الحبال يحلها

العميل السري

حتى الصغير صار اله مخلب وناب= عاثت بخلق الله وقامت تدهر
فاتت كبير القوم مدري فاتها =واللي عقد روس الحبال يحلها
بكره لارشحتو لها اصحاب الكباب= ماهي غريبه والدروس الها عبر
لحقت بها الجارات شف صكاتها= واللي عقد روس الحبال يحلها

بعيد الشوح

من يطرد احلامه وهي مثل السراب=يقـال يامـرحـوم مــات امــن القـهـر
هـــذي هـــي الـدنـيـا وذي نكـبـاتـهـا=والـلـي عـقـد روس الحـبـال يحـلـهـا
كـان الديـوك تنـاظـر بطـيـر العـقـاب=خـل الغـراب يخـاوي اعيـال الصقـر
وراع الـمـديـنـه عــارفــاً ميـقـاتـهـا= واللي عقد روس الحبال يحلها

العميل السري

ضاعت اسود الدار في وسط الزهاب= ولحقت بها نسوراً بجنحانٍ خضر
ياشين وقفاةٍ مثل وقفاتها =واللي عقد روس الحبال يحلها
يمكن تشوف الشمس والدنيا ضباب=لكن محال تشوف شي من الظهر
تنعم عروس اليوم في لذاتها=واللي عقد روس الحبال يحلها

بعيد الشوح

من باب لايشره عليك ولاتعـاب=من انت يـوم انـك تقيّـم بالبشـر
انت اكسرو يمناك مـع مثناتهـا= واللي عقد روس الحبال يحلها
سكرت باب ولا أنتبهت لكم باب=والله يبـارك فيـك يادوحـة قـطـر
تكبر مشاريهك علـى غزواتهـا= واللي عقد روس الحبال يحلها

\


صحت ألسنة شعراءنا ..
و تقبلوا من رابطة العميل السري كل التقدير ^_^

الموضوع الأصلي: " الامر روح من يدين ابو الشباب ~> ماعاد فيها لامطير ولامفر! | | الكاتب: حنان الرشيدي | | المصدر: شبكة بني عبس

[عبدالله بن مطلب]

..

شكــرا ً ..ع القصائـــد الجميلـــه ....

ومتعووووووب عليهاااا ....


بس غريبـــــــــــــه ما اشووف أحد رد ...!!!!

مع ان فيه مشااهدة ...!!!



على العموووم ... ننتظـــر جــديـــدك من المشاركااااااااااااات ...

[سالم الرشيدي]

صح السنت الشــع ـأر
وتسلمين حنان على التنسيق

[المشعل]

يااسلاااااااام

محاوره رااائعه وابياااات جميله

الله الله على الابدااااااع

استمتعنا بها الابيااااات

من شعرااء مبدعين العميل السري وبعيد الشوح

صح الله السنتهم ..

حنان لاهنتي على المتابعه والتنسيق

تحيااتي

[العميل السري]

حنووووووووووو والله انك وافيه
مشكوره التنسيق
اشكرك على المقدمه الرائعه وعقبال
كتابة مقدمة الديوان الشعري للعميل
-------
اشر جميع الاخوان عبد اللطيف وسالم والمشعل بيض الله وجيهكم
على الاشاده التي اعتز بها انا وبعيد الشوح
وحنان ليس بمستغرب عليها الابداع وين ماتكون حنان يكون الابداع
لكم تحياتي

[النقيشى]

تسلمين وبلفعل محاورة جميله من شعراء لهم مكانتهم بلمنتدا

[سهم عبس]

صح السنت الشــع ـأر
وتسلمين حنان على التنسيق

[مداروفلك]

شعرااء مبدعين العميل السري وبعيد الشوح

صح الله السنتهم ..استمتعت محاوره مميزه
تشكرون عليها

حنان لاهنتي على المتابعه والتنسيق

تحيااتي