[فـ عتيبه ـارس]

ياناقش الحنـا علـى صفحـة اليـد
حبـك نقشتـه فـي حنايـا فـؤادي
علـي قفـا يمنـاك حانـى ومسـود
وانا علـى عينـي سـواة السـوادي
ويفوح من ردنـك كماالعـود والنـد
والا شـذا ورد علـى جــال وادي
قض الشعر خله علـى المتـن يمتـد
حتـى يقيدنـي ويحـكـم قـيـادي
تمزح وتلعب بي وهمي علـى جـد
مثل الزمـان اللـي يـدور عنـادي
من كثر لعبك مااعرف الوصل والصد
ولا اعرف ان الوعد وعـد وكـادي
تحكم بلد ماتاخذ الشـور مـن حـد
تحكم بلـد ربعـك وتحكـم بـلادي
تاخذ مـع العشـاق مشـوار وتـرد
مثل الكحيله فـي نهـار الطـرادي
انا احسب ان القلب تايب عن الـود
واثره مـع العشـاق تايـه وغـادي
قفيت واثر الطـرف مشغـول ويلـد
يمـك ومغرقتـه دمـوع جــدادي

.. شاعر القلطه الذي يحمل سبع لغت ودكتور المحاوره الشاعر مطلق الثبيتي رحمه الله

الموضوع الأصلي: الليله جايكم بشي عظيم قصيده للشاعر مطلق الثبيتي رحمه الله وبحياتي ماسمعت لمطلق قصيده | | الكاتب: فـ عتيبه ـارس | | المصدر: شبكة بني عبس

[شيكاواقير]

رحمه الله وزن ثقيل
شكرا على النقل ياعتيبه

[فـ عتيبه ـارس]

شيكاواقير.. شاكر لك على هذا المرور

[ناصر فلاح العجرمي]

فارس عتيبه مشكور والله على القصيده الجميله للشاعر الكبير مطلق الثبيتي الله يرحمه.