[سكوتي عذابي]

السلام عليكم ورحمة الله وبركاته
اخواني اخواتي متعطشي الشعر اليكم هذه القصيده من الشاعر عبدالله بن عباس العويمري ينخى الشاعر سليمان بن ساير
والقصيده امام اعينكم
بديت بسم الله منجي أهل الغار:الواحد المعبود منجي دخيله
من بعد ذكر الله نبدى بالاشعار:وخترت من زين البيوت الجزيله
وخذيت مع سجت الرجل مشوار:وعديت أنا روس الهضاب الطويله
وقمت اتذكر وين وافين الاشبار:عصم الشوارب محتمين الدبيله
وذكرت رجلاً بتماثيل بيطار: أبو سعد ساس الرجال الأصيله
يابو سعديمكرم الضيف والجار:لي عشقتن مضني القى بديله
من دونها تقطعت كل الأخبار:وغديت مثل الي عضامه هزيله
وسألة عنهم شرق ويمين ويسار:وذكرو بدار يضيع فيها الدليله
وبلشت في ميصال خلي ومحتار:وانت تخبر راعي النقود القليله
ولا فيه موتر يبهج القفر والدار:لاكن شفلي حل بياء وسيله
لانك شجاع وبالمهمات جبار:وجبلي خبر عن دار ناقض جديله
وصحى وخذلك من يفكون الاسحار:حيث ان سحري في الرموش الكحيله
والسحر الأخر في الحجاجين تذكار:وثالث سحر من فوق متنه يشيله
والعام مع خلي مارد ومصدار:واليوم يسليمان قفى رحيله
وأن كان مابه حل ودوني شهار:وأصير من ضمن العقول الهبيله

الموضوع الأصلي: نخوة الشاعر عبدالله بن عباس العويمري لسليمان ساير | | الكاتب: سكوتي عذابي | | المصدر: شبكة بني عبس

[مملوحة الوصـآيف]

.


.


.



رائعه

تسلم ع النقل أخي ...

[سكوتي عذابي]

مملوحه الوصائف انتي اروع ، فشكراً ع مروركي ، فهذا العشق يابنت مايرحم هني منهو تهنابه.

[الشاطئ المهجور]

ياسكوتي ياعذابي وياعذابي ياسكوتي

وين رد سليمان ساير العويمري وانا متأأأأكد من الرد كامل وانا سواق الجيب الفيكس ار
هههههههههههههههه

لابد من وضع رد الشاعرالعروف : سليما سايرالعويمري

على كل حال صح الله لسان الشاعر عبد الله عباس وبيض الله وجهه

لاهنت اخوي على النقل الرائع تحيتي لك من الاعماق

وسلملي على خالي عبد الله عباس وسلملي على ولد عمي سليمان ساير

واسلم انت عليك بياض الوجه

[سحايب]

صح السان الشاعر
وسلمت يمناك على النقل

[سكوتي عذابي]

رد الشاعر ابن ساير موجود نزلته ، تسلم على تفاعلك مع القصيده ، وتسلمي دمعه على مرورك ، لكم مني اجمل التحايى والتقدير .

[آلنجم]

صح السان الشاعر
وسلمت يمناك على النقل

__________________

[الزعيم..]

أبيااااتـ راااائعه


سسلمت الايااادي