[المشعل]

هذه قصيده لشاعر مالك الصامل رداً على من تطاول على شعب المملكه ممن لايمثلون الشعب المصري الشقيق
..وفي اي حالاً من الأحوال ارتككم مع القصيده ..


ثرت ياشعب الحضاره ولا ادري وش تقول ..
ضاع صوتك وسط الأصوات من عاد اسمعه ؟

ينزل الشارع مثقف..وصاحي ومهبول ..
ومتشيع ..ومتسكع ..وسهران ومعه

مانت راعي ذود لا تقرب خطام الذلول
اعرف انك لو قضبته ..بدينك تقطعه

لاتعيبنا تراها.. فخر هرش ورحول
لو تعيبنا .. يازين العيوب الممتعه

كلمتك ماهي عن الله تعالى والرسول
قبل تظهر زبدة الهرج بيّن مرجعه

لا تربص بالسوالف بعد مافطرت فول
ولاتجيب علوم من راس سافل وامعه

حدث اهل العقل فيما يلائم بالعقول
العرب ما كل براق لامع تتبعه

واعرف انّا نتعب السرج وظهور الخيول
ما لحق بياعت الهرج فينا مطمعه

يكفي انّا بمهبط الوحي واحفاد الرسول
ومن يعادينا.. نعاديه لين نطبعه

وان بغيت تقول حاول تميز وشتقول
لجل هرجك ياحفيد الحضاره نسمعه! .

الموضوع الأصلي: مالك الصامل ..برد على من تطاول على المملكة شعباً وحكومه ! . | | الكاتب: المشعل | | المصدر: شبكة بني عبس

[صعصعة]

صح الله لسانه
وتسلم يا المشعل
على كتابت قصيدة مالك
وقصيده جزله
لكن هو وينه مختفي
كم له ..مختفي ماعاد احد يشوفه

[سعد محمد]

صح الله لسآنه على هـذا الأبيات الجميله.

لاهنت أخي المشعل على جلبها لنآ ,,

[تعبت منك]

صح الله لسآنه على هـذا الأبيات الجميله.

لاهنت أخي المشعل على جلبها لنآ ,,

[جفاا]

صح لسانهـ وسلمت يمناكـ