[عبدالرحمن الحميدي]

ياحسن ياشين لا تعتب ودعني=المفارق خيرتي ليه الملامه

دام خلي من ملاقاته منعني=استريح من العذاب ومن خصامه

ياحسن ماذقت منه اللي نفعني=لو يدس الكره بيَّن في كلامه

يوم اجيه بشوق ماعمره سمعني=كم عنيت ولا لقيت إلا الندامه
لو يرحب لا صدفني ويش يعني=ماتحرك خافقي زيف ابتسامه
في سما الاحزان ماهو مخترعني=مير هو اجهز عليّه في غرامه
اعرف انه موت لكن مادفعني=للمهالك غير قلبي والغشامه
ياحسن لو ماشريت العز بعني=الرجل وش هو ليا ضاع احترامه
ياحسن ماني رهيفٍ لا هزعني=كل شي إلا انه ايهين الكرامه
ريّح اعصابك وريحني ودعني=العلاقه ماترجعها ملامه

الموضوع الأصلي: لو يرحب لا صدفني ويش يعني=ماتحرك خافقي زيف ابتسامه | | الكاتب: عبدالرحمن الحميدي | | المصدر: شبكة بني عبس

[ابن شلال]

صح لسانك ياعبد الرحمن واعتلى شانك وتم تعديل البيت كما طلبت ,وتم تغيير العنوان
واي خدمات انا حاضر
تقبل مروري

[مذكر الرشيدي]

صح لسانك

قصيدة وافيه وراقية وجميلة

لله درك

[الوعد]

صح اللسانك

[عبدالرحمن الحميدي]

ابن شلال
بيض الله وجهك ولا هنت
واطال الله بعمرك والف شكراً على التعديل...

[الوعد]

صح لسانك

ابيات رائعه

[بن صامل]

عبدالرحمن الحميدي

اتمنى لك التوفيق وصح لسانك

[المشعل]

يا سلام عليك
مبدع ورااائع
صح السانك واعتلا شانك
لاهنت ولاتحرمنا جديدك وإبداعك
تحياتي لك