[وسام عبس]

يامتعب القلب قلي وش غلطاتي ,,
ان كنت انا اقدر اعدلها .. بعدلها ’’
لاصرت تجهل عناء الدنيا .. وضيقاتي ,,
من دون ماشرح لك اوضاعي تأملها ’’
الوقت ضدي .. حرمني من ملذاتي ,,
والصد بعدك ذبح روحي .. وكملها ’’
لا .. لايغرك كثير الصمت .. وسكاتي ,,
خل المشاعر تقول ( الآه ) وإسألها ’’
يسكني الحب .. واضح من عباراتي ,,
وش عاد لجلك حروفي لو أذللها ’’
عذبني الشوق واسرفت بخيالاتي ,,
روح ٍ تحبك دخيلك ليه .. تهملها ’’
ياليتك إشوي تشعر في معاناتي ,,
دنياك يمكن عليك تضيق باكملها ’’
الحزن كنه سفيري في علاقاتي ,,
والهم خيّم على حالي .. وطولها ’’
اغديت دربي وتاهت فيك خطواتي ,,
كل المواعيد مدري ليش تأجلها ’’
سنين احاول وضاعت كل حيلاتي ,,
متدري اني ( حياة الذّل ) مقبلها ’’
لاجيتك أسال وادوّر فيك ضحكاتي ,,
كأنك تعمد بيديك اليوم .. تقتلها ’’
لا تترك الظن يلعب باحتمالاتي ,,
الكلمه اللي تحزّ بخاطرك .. قلها ’’
تعال شفني وحس بحال لوعاتي ,,
كن الدقايق بدونك عام مطولها ’’
متى التباشر بقدوم ( الغلا ) تاتي ,,
فرحة زماني بشوفك ما تخيلها ’’
خلاص صبري تعدى كل هقواتي ,,
اتعبت نفسي ( اعزيها .. وعللها ) ’’
ابيك تنسى وتدمح كل ( زلاتي) ,,
بعض البشر صعب مانقدر نزعلها ’’
والحين جيتك ابمسح كل غلطاتي

الموضوع الأصلي: يامتعب القلب قلي وش غلطاتي | | الكاتب: وسام عبس | | المصدر: شبكة بني عبس

[بركه الداموكي]

ياليتك إشوي تشعر في معاناتي ,,
دنياك يمكن عليك تضيق باكملها ’’


مشكور مشكوووووور والله يعطيك الف عافيه على الابداع الجميل ولاحساس الراقي

[عبيد33]

هذى ابداااع منك يا اوسام عبس
تحياتي لك
حزين الماااضي