[عوض بن عني]

يابنت أناشاعر ومغرم وحساس
.........وأبصم على معنى البيوت الفصيحه
وأغوص غبات البحر وأجمع الماس
..............ب المبهمات الكايده والصريحه
والمجد ماروث(ن) عشق كل نبراس
.............من خلقت الدنيا و بيته ضريحه
ويزرع ويربابه كثير(ن)من الناس
................وكلن لمقدوره بنفسه قريحه
والناس مجموعة بشر فكر وأجناس
..............والمخلفين أهل القلوب القبيحه
ولاكل منهو طاح يوطا وينداس
..............وبمنبوذ راع الطيبه والنصيحه
ماذم خلق الله ولكن عساس
............ومقفي عن علوم الوجيه الكليحه
يابنت أنا من لابتن ترفع الراس
............. بني رشيد أهل القلوب المريحه
من روس عبس مهببت كل نوماس
..............حتى الضعيف بسلمهم له منيحه
في راس رجم (ن)للهوى فيه نسناس
...............وغنيت في راع العيون المليحه
من صدعن نخوت عريبين الاجناس
............. تذريه ناس(ن)يعتقون الطريحه
مارة مها تضغط على زر الاجراس
...............ولاني بضيف للوجيه الشحيحه



الشاعرعوض بن عني بن سبيتان الجبيري المهيمزي الرشيدي

الموضوع الأصلي: يابنت | | الكاتب: عوض بن عني | | المصدر: شبكة بني عبس

[الشاطئ المهجور]

يابنت أنا من لابتن ترفع الراس ............. بني رشيد أهل القلوب المريحه من روس عبس مهببت كل نوماس ..............حتى الضعيف بسلمهم له منيحه

صح الله لسانك
أأأهنيك على الابداع
تحيتي لك

[رمح عبس]

صح السانك وبيض الله وجهك

لاهنت

[عوض بن عني]

صحت أبدانكم جميعا وأشكر المشرف على التنسيق