[عايض بن صالح]

السلام عليك ورحمة الله وبركاته


كل عام وانتم بخير

قم ياخوي الدرب خل المجاعيد=والّم على جيب القناصه وعبه
نبيه مع هاك السهال الجراهيد=يويق مشرافه وينزل بخبه
يكبر غلاها داخل القلب ويزيد=والراس فيه من الهواجيس ذبه
سجة قدم يسرحبها الفكر ويعيد=عن ماطوى ماض الزمن ويتنبه
قدام لايثني قدم رجلك القيد=يمنعك من شيئً تبيه وتحبه
حياتنا ماهي على كل ماتريد=للوقت دوراته وللعمر شبه
يابو عوض لك بالكواكب مواعيد=واليوم نجم سهيل ذعذع مهبه
خفت عن عدود المياه المواريد=وقام يتلاشا القيض حبه وحبه
وشالو على ضهور الجيوب الاواليد=كلاً يبيله مع طريقاً يخبه
اللي من الديره قنص ديرة الصيد=حره ومعها الجيب شيناً مطبه
راع الولع فيها فراشه على حيد=مستانساً محذا الهجيني يذبه
لو ان بعض الدوع ضله صواهيد=يلقابها الضايق علاجه وطبه
واللي قنص رضوى البحر يمسك السيد=دروبها مابين تلعه وغبه
تضيق بوجيه القنوص المصاييد=اما بحر والا طباقه وتبه
وحنا نبى رفحاء وعزم الجلاميد=شرقي شمال حزوم لينه وجبه
ومنها على الصمان وسهاله الريد=من السعه تضيعبه لو تطبه
كم سولفو فيه الرجال الصناديد=وراع المثل مايجهلك وش ضربه
خذ مثل عايض قبل لاتروح وعبيد= والا اخو هدبا بالسفر لاتكبه
دجنا معه مقناص سبعة عشر عيد= واللي هلاله ماكمل مانحسبه
تلقالنا في كل فيضه مجاعيد= اما بقايا الكيف والا مشبه
والا مفر الجيب مع ساقة الصيد=في خايعاً لفح الهوى مالعبه
نلقابه القمري جموع ومفاريد=ننزل منازيله ونتبع مهبه
عن الصقور مطلعين البواريد=علطاء قرى مازون بالعين حبه
لو ان صيد البر طبعه مشاريد = ياما خذينا من طيوره وضبه

الموضوع الأصلي: ســــهــــيل والــــمـــقـــناص | | الكاتب: عايض بن صالح | | المصدر: شبكة بني عبس

[عايد2001]

صح السانك ياابوبدر وعتلا شانك
قصيده جزله من شاعر جزل

[الضرغام]

قصيده فيها من الولع شيء كثير

معنزه على ابو عوض
الله يعينه
ويوفقكم
وصح السانك

[بندر بن صبح]

عليكم السلام ورحمة الله وبركاته

صح لسانك ياعايض بن صالح على هالجزالة

وسلمت ولايسلم ردي العزايم

[عيد الداموك]

وعليكم السلام ورحمة الله وبركاته
كل عام وانت بخير

قم ياخوي الدرب خل المجاعيد
والّم على جيب القناصه وعبه
نبيه مع هاك السهال الجراهيد
يويق مشرافه وينزل بخبه
يكبر غلاها داخل القلب ويزيد
والراس فيه من الهواجيس ذبه
سجة قدم يسرحبها الفكر ويعيد
عن ماطوى ماض الزمن ويتنبه
قدام لايثني قدم رجلك القيد
يمنعك من شيئً تبيه وتحبه
حياتنا ماهي على كل ماتريد
للوقت دوراته وللعمر شبه

صح لسانك ونعم فيك انت واخوياك كلهم
تقبل مروري وتحياتي

[كاتب الرشيدي]

الله الله الله اشهد بالله اني كني قانص يوم قريت هالقصيده الشامخة من شاعر الطبيعة الراقي

بيض الله وجهك يابو صالح

توصيف رائع ومقناص بالشعر وصيد من المفردات الجزله

صح لسانك وعلا شانك

[أبو عيسى]

سجة قدم يسرحبها الفكر ويعيد عن ماطوى ماض الزمن ويتنبه قدام لايثني قدم رجلك القيد يمنعك من شيئً تبيه وتحبه حياتنا ماهي على كل ماتريد للوقت دوراته وللعمر شبه يابو عوض لك بالكواكب مواعيد واليوم نجم سهيل ذعذع مهبه خفت عن عدود المياه المواريد وقام يتلاشا القيض حبه وحبه

صح لسانك يا أبو صالح وبيض الله وجهك على هذا التصوير العجيب للماضي والحاضر...

[ذرا عبس]

صح لسانك و لافض فوك ولاعاش شانؤوك ..