[سعد الشقل]

السلام عليكم



محاوره الشاعرين معيوف ابن زهيميل والشاعر عبدالعزيز بعد التنسيق

معيوف ابن زهيميل

ياسلامي على عبد العزيز الخياري=عد برق المزون وعد ماأرزم رعدها
يذكرونك تمر ديار حمر العتاري=جيتهم بالمهاد ولا تزال بمهدها

عبدالعزيز الخياري

مرحبا عد ماهبت هبوب الذواري=قالها اللي قبل مايقولها ينتقدها
الديار العزيزه يابن مضبر دياري=والنشاما نشاما مايتردا ولدهـا

معيوف ابن زهيميل

والبقا يا خويٍ مع خويه مباري=قالها اللي ما نقص وزنها ولاعددها
احتزم يالخياري بالفشق والسواري=النشاما نشاما لو ماهْي في بلدها

عبدالعزيز الخياري

اسر ياذيب دام إنك تدل المساري=كل عقده نحل اعقودها لمن عقدها
لا نقلنا البنادق بالوغا والشبـاري=ضربها بخصمنا والخافي امر وادها

معيوف بن زهيميل

نسري الليل غدرا ما استعزنا القماري=مار لاتسوقها وعقالها يشد يدها
انت في مرحله خطك عليها جباري=الله اعلم وش اللي يصير لك من بعدها

عبدالعزيز الخياري

انت سارق وكل(ن) عن سرايقك داري=والمحاكم قبل مـده زميلـك نشدهـا
باكر يعاتبك ناصر بطـاروق نـاري=شوف لك عذر في حجه يجّمل سندها

معيوف بن زهيميل

ليه من سرقتي هليت دمع العباري=وأنت شيخ المحاكم نصف ربعك جلدها
باكر الحر ينتف ريش برق الحباري=ما تهمه سحابة صيف يسقط بردها

عبدالعزيز الخياري

خل عنك الدوادي خل عنك الهذاري=مابكينا عليهـا ولاعلـى مفتقدهـا
قبل تهبط من العالي هبوط اظطراري=كم واحد يطيح وطيحتـه ماحمدهـا

معيوف بن زهيميل

ما نحمّلك يا عبد العزيز المزاري=ما انت داري لو عيونك صعيبٍ رمدها
لو تدريت ما تنفعك كثر المداري=لاتخاف المطيحه ثم تأخذ سددها

الموضوع الأصلي: تنسيق محاوره معيوف ابن زهيميل والشاعر عبدالعزيز الخياري | | الكاتب: سعد الشقل | | المصدر: شبكة بني عبس

[أنكسارحلم]

بيض الله وجهك ياسعد على هذا التنسيق لمحاورة الشاعرين

مشرف المحاوره والالغاز عبد العزيز الخياري

وزميله.شاعر المنتدى معيوف ابن زهيميل

الصراحه محاورة جميله ورائعه..وفقهم الله


تحياتي

[معيوف ابن زهيميل]

ألف شكر يا سعد الشقل على تنسيق المحاورة بيض الله وجهك

[عبدالعزيز الخياري]

مشكور يامشرفنا العزيز

سعد الشقل

لاهنت وبيض الله وجهك

[مساعد عواض]

الشاعر معيوف
الشاعر عبدالعزيز
صحة اللسنتكم على هذا المحاوره الجزله
الذي استخدمتم الفتل والنقض الصحيح من جميع النواحي
ولايسعني الا ان اشكركم جزيل الشكر على مقدمتم

[سعد الشقل]

ناصر الشويلعي ...... عبدالعزيز الخياري .....معيوف ابن زهيميل ....... مساعد عواض


شاكر لكم المرور