[الاجهر]

مرثع
-------------------

سلام ياهل الفر وهل الكر ياعوق الطغاه=ياربعي الي مايخيب الملتجي في ظلها
الحرب قامت والحبوب اليوم تطحنها الرحاه=حتى نميز باالحقايق دقها مع جلها

الاجهر
------------------

يامرحبا وابك البقاء والعود حناء في ذراه= والشجرة الى ماتظلل يالود مفطنلها
ابتواصل معك لين القاف ياصل منتهاه = والوضع طيب والحبال العوج عندي حلها

مرثع
------------------

الداء ليامن شافه الدكتور يسعى في دواه=ولا ضعاف العلم محدن ناشدن عن دلها
بعض العرب يسهر وسهر العين سبب له عماه=ودموع عينه من ردات الحض قام يهلها

الاجهر
----------------

كم من مريض(ن) يجتهد لكن طبة مالقاه = والشافي الله والعوافي عند ربك كلها
اشرب من العد الزلالي يوم غيري في ضماه = وذا المشارب عكرة عندي سيوف اسلها

مرثع
---------------

بعض العرب مد اليمين ولا عرفنا وش وراه=مير السوالف ياالمتقى خلها في حلها
العد دونه سيف حماين عن الاجهر حماه=لاكن عسى دارك مراويح المزون تعلها

الاجهر
---------------

الى كسر قافة وعدل في كسورة وش بلاه = صل الصلاة الى تعدت لو تكرم صلها
ابوك الاجهر كلن يعرفة رفيع مستواه= اطو الصحيفة في يديك البيض ولا فلها

مرثع
--------------

من مد نص الكف ياالاجهر يبا ياخذ ملاه=هات العلوم الطيبه ولا الرديه خلها
ان كان هاذي هي علومك روح وقظم لك حصاه=الناس ضدي تالي الايام زايد غلها

الاجهر
--------------

اشعيل يومنه برك للحمل لا يكثر رغاه = تري الحموله فوق ظهرك ياشعيل تبلها
كان الاوادم ضد شخصك روح والبسلك عباه = تقصر عن الى طايلة والنازله تنزلها

الموضوع الأصلي: محاورة الاجهر -- ومرثع | | الكاتب: الاجهر | | المصدر: شبكة بني عبس

[خاتم الرشيدي]

محاوره جزله صح الله السنتكم
وبيض الله وجهك يابو سعود على التنسيق

[الحر النداوي]

محاوره رائعه من شعراء رائعين

صح لسانك يالاجهر

صح لسانك يامرثع

أشكرك يالاجهر على التنسيق

[بركات]

محاوره رائعه من شعراء رائعين

صح لسانك يالاجهر

صح لسانك يامرثع

أشكرك يالاجهر على التنسيق ويسلمووووووو على انقل

[محمد الراشد]

صح السنتكم
وشكرا على التنسيق

[عايض ابن جوهر]

الى كسر قافة وعدل في كسورة وش بلاه

كفووصح للسانك يالاجهر ولايهون مرثع محاورة جيدة

[مرزوق العجوني]

صحت اللسنتكم ولا هنتوا

[شاعر الوطن]

الى كسر قافة وعدل في كسورة وش بلاه

صل الصلاة الى تعدت لو تكرم صلهـا

مع احترامي الشديد لا يوجد كسر في بيت مرثع

واذا كان هناك بيت لم تعرف تنطقه عدل

ومحاوره جزله صح اللسانكم

وصح اللسان مرثع الي قادم بقوه