[رشيد]

مـجـاديف الغـرام .....
--------------------
ضيـدان بن قـضعـان




فمان الله يا أول من سكن بين الضلوع العوج

عسى دربك سفير ويا عسى الله ما يخليني

توكل لا توادع رح عسى درب الجفا المسهوج

يصادف درب فرقاً عقبها ما تلمحك عيني

سمحت من الهوى ومن القصيد ومن زراق الموج

ورميت اغلى مجاديف الغرام وجيت بيديني

ابغرق في عذابك لا رحلت ويصبح المنتوج

قصيد في حياتي سلوتي وان مت يرثيني

واذا هبن بنات الريح للذكرى بدون سروج

أبسرج مهرة النسيان وارحل من عناويني

وبنسى لين اسج وبرسل الونات فوج وفوج

وبنسى دمع عيني ينتثر وانساك من حيني

صبور أي والله اني ما ثنيت العزم قبل ادوج

بريضان الجفا واظما لوصلك لين تسقيني

شجاع اي والله اني ما عرفت الذل قبل اسوج

قدم رجلي على درب لبيت اهلك يوديني

كريم اي والله اني ما عرفت الشح قبل تروج

دموعي في عيوني ثم اشح بحسرتي فيني

احبك حسبي الله ليت مالك في سماي بروج

ولا لك في البسيطة كود شي بينك وبيني

دخيلك لا تلفت رح بفالك واترك المرجوج

تغانم ما بقى لك ولا انا ما عاد يمديني

فمان الله سق ركبك على درب السنين العوج

ولكن طالبك لا اقفيت عني لا تخليني

الموضوع الأصلي: مـجـاديـف الغـرام ....... | | الكاتب: رشيد | | المصدر: شبكة بني عبس

[مساعد وبس]

صح السانك رووووووووووووووعه


كل الشكر لك يا الغلا على النقل


دمت

بوووووووووووووود

[رشيد]

يسلمك ربي ويسعدك

[مسندالعويمري]

صح لسانك وصح السان صاحب القصيده

[رشيد]

شكراً لك اخي الكريم

[عبدالعزيز بن شري]

لا هنت على النقل الرائع


وبيض الله وجهك .............